KRALENDIJK,Bonaire
Bo tin un outo òf motosaikel? E ora ei bo tin ku paga impuesto di vehíkulo di motor pa 2020. Pa mas tardá na kuminsamentu di febrüari bo ta haña un karta tokante esaki na kas. Den e karta ei tin pará kuantu bo tin ku paga i ki dia bo tin ku paga.
Bo ke paga den dos biaha?
Bo por paga e suma den dos parti si bo ta deseá esei. Esei ta bai di e siguiente manera:
- E promé mitar bo ta paga promé ku 1 di aprel 2020.
- E di dos mitar bo ta paga promé ku 1 di yüli 2020.
Dia 1 di aprel bo no a paga nada ainda? E ora ei bo mester paga henter e suma dia 2 di aprel 2020. Den e karta ku bo ta bai risibí di nos tin mas informashon tokante pagamentu den dos parti.
Bo ke paga mas promé?
Bo por paga impuesto di vehíkulo di motor ya kaba for di promé ku bo a risibí e karta. Bo por paga via internèt òf na lokèt di bo banko. Na ‘referensia di pago – betaalkenmerk’ bo ta nota bo number di CRIB/01lèter di base20number ku tin riba bo plachi di number. Ehèmpel: 123456789/01B20B1234.
Bo pago bo por transferí na:
R.B.C.: 8400000180872997 – RBTTBQBN
ORCO BANK: 7601000195 – ORBABQBN
M.C.B.: 402.917.08 – MCBKBQBN
B.D.C.: 30638802 – BDCCBQBN
Bo estado di kuenta di banko ta e prueba ku bo a paga.
Den e skema aki bou bo por mira kuantu bo tin ku paga. Wak e tipo di kombustibel i e lèter riba bo plachi di number.
Bo ke sa mas?Bo tin pregunta tokante esaki? Manda un imeil pa belasting-olb@bonairegov.com. Òf yama 717 5330 ekstenshon 2637 òf 715 5326.
