Partido RED democratico a recorda 20 aña di existencia. Den un ambiente ameno na ATIA building na Dakota fundado di RED Rudy Lampe a celebra y recorda cu tur su miembronan y pilarnan di partido Democratico RED e fecha special aki, pa su persona ta un anochi hopi special di por recorda un caminata di 20 aña di partido RED democratico cu a cuminsa cu e lema di integridad den politica.
Partido RED a ricibi un mensahe for di Boneiro riba e dia special aki unda cu Michel Bijkerk a manda un mensahe special pa e ocasion aki cu partido RED a cumpli 20 aña di existencia. Michel Bijkerk tabata un orador invita na congresonan cu partido RED tabatin den pasado.
Segun Rudy Lampe a gradici su persona pa a yuda cu formacion di partidonan na Boneiro, pero tambe pa e sosten cu semper partido RED a duna na Boneiro. Tambe Michel Bijkerk a expresa cu partido RED ta un partido di principio y ta pesey RED no ta haya voto.
Tambe den e mensahe por a tuma nota cu a pone cu “si kier haya voto mester cumpra voto” pero RED ta un partido di principio y lo no cumpra voto, esaki ta pone cu RED ta mane e consenshi di e pueblo di Aruba paso partido RED ta para pa honestidad y transparencia pa e berdad aunke cu RED no ta haya voto cu e principionan aki.
Michel Bijkerk tambe a encurasha Partido RED pa nan sigui ta e consenshi di pueblo den politica y sigui para pa e principionan cu RED a keda funda. E ambiente cu tabatin e anochi tabata indica cu partido RED mester sigui riba su trayectorio di principio unda cu un dia pueblo lo scucha y su wowo lo habri.
Riba e anochi aki cada un politico a recorda y conta un poco con nan a yega hunto y cu awe nan ta hunto pa un solo meta, pa un miho Aruba.
1 comment
[…] Source link […]