Desde ku a introdusi e Impuesto di Turismo na 2022, a ekseprensia
un kantidat di problema ku esaki. Muy espesial nos propio hendenan biba pafo di
Boneiru. Desde kambio di Gobiernu na oktober ultimo, por a tuma nota ku den
tempu rekort Kolegio Ehekutivo a traha pa solushona esaki. Kambio den e
ordenansa propone pa Diputado Abraham a wordu stipula unanimamente pa
Konseho Insular, i riba prome di yuli ultimo tres di e kambio nan den e ordenansa
di Turismo a bai na vigor, tresendo alivio pa e.o. nos Yu nan di Tera. Asina desde
1 di yüli nos studiantenan biba den eksterior NO mester paga impuesto di turismo
mas pa drenta nan propio Isla i ta keda eksonora di impuesto di Turismo. Nos
yunan di tera biba pafo di antias NO mester paga $75 mas pa drenta, i ta bini na
remarke pa e tarifa redusi di solamente dies doler. Ademas, tur impuesto di
turismo tin un balides di 30 dia, ku ta hasi posibel pa bula bai otro isla of
destinashon sin mester bolbe paga pa drenta Boneiru.
Fuera di e tres kambionan menshona, tin varios otro kambio ku lo bin na vigor despues.
Un di esakinan ta un eksonorashon pa deportista nan ku ta partisipa na un aktividat
registra na Boneiru. Esaki no a bai na vigor ainda, pa motibu den lei di impuesto mester
formula maneho konkreto ken i bou di kua sirkumstansia por bin na remarke pa e
ekshonorashon aki. Diputado Abraham a splika ku ta traha riba e maneho aki, den
sinkronisashon ku un Maneho di Deporte ku tambe ta den proseso di wordu formula, pa
lo mas pronto posibel por presenta esaki na Raad pa e por bai na vigor.
Revishon Intermedio
Den tratamentu di e ordenansa, Diputado Abraham a anunsia ku lo bai revisa e
ordenansa na un manera integral debi ku varios parti di e ordenansa aktual tin un efekto
negativo I no ta sostene e proposito den bienestar di Boneiru. Pero, debi na e
inkombenensia ku nos komunidat ta sinti akualmente ku e Impuesto di Turismo, no por
warda riba e revishon integral i a propone sierto kambio intermedio pa alivia nos
komunidat.
Duna Cesar loke ta di Cesar
Den un temporada hopi kortiku e gobiernu aktual a soru pa trese un kambio I alivio pa
nos yunan di tera pafo di Boneiru, prome di yuli e ordenansa adapta a bai na vigor. Den
un demokrasia opina, komenta i reklama ta nos tur su derechi. Pero tambe ta nos deber
pa rekonose, aploudi i duna cesar loke ta di cesar. Pabien Boneiru ku esaki pero muy
en partikular pa nos yunan di tera pafo di Boneiru.
‘Den tempu rekort Diputado Abraham ta porpone kambio den Impuesto di Turismo pa Yiunan di tera
