durante Reunion General di AVB varios cambionan a keda aproba. E
cambionan aki tabata necesario pa actualisa y modernisa AVB su Reglamentonan pa
asina por cumpli cu e rekisitonan cu ta wordo exigi for di FIFA como tambe pa e sistema nobo di Campeonato, pa cual motibo nos t’aki awe pa duna mas informacion.
Dia 1 augustus 2022, conforme nos Reglamentonan oficialmente a cuminsa e temporada 2022/2023. Un temporada unda lo introduci algun cambionan cu mester a tuma lugar mas cu 8 aña pasa caba.
FIFA – Connect
E prome cambio ta e digitalisacion di e registro di hungadonan como tambe e
digitalisacion di e administracion di Campeonato. Aña pasa den luna di October 2021, a tuma contacto cu FIFA pa por a cuminsa cu un sistema pa registra hungado como tambe maneho e Campeonato. FIFA – Connect por ofrece esaki, GRATUITAMENTE na tur federacion cu ta miembro di FIFA.
Na e momento aki, caba ta den proceso pa registra e hungadonan y di e forma aki tambe tur hungado miembro di AVB ta haya un FIFA ID number. Pa ora di wega tambe ta elimina e formulario fisico (dus papel) y por manda e line-up pa e wega digitalmente. Esaki lo wordo introduci entrante e Campeonato 2022/2023.
FIFA + (FIFA Plus)
Bentaha grandi di FIFA Connect ta cu e alineacion lo bira conoci mas trempan. Locual ta sumamente importante pa e siguiente cambio cu lo introduci pa e Campeonato 2022/ 2023.
Na luna di December 2021, AVB tabata tin un reunion cu representantenan di FIFA, AVB a informa cu AVB ta pensando riba un manera cu por haci e Campeonato un manera mas atractivo y tambe pa e Campeonato por cuminsa genera fondo. Na e momento ey, a wordo informa pa reuni cu Sr. Dave Roberts, pasobra tin un Plataforma nobo nobo pa cuminsa yuda e federacionan genera fondo for di Campeonato. Especialmente pa locual ta e derechonan di data, data rights.
FIFA+ ta un app, cu ta free pa download tanto via Google Playstore como via Apple Store. Lo no usa Facebook y Youtube, pero FIFA+. Riba TV si por sigui wak e weganan via Nos Isla TV Canal 23.
Ta ripiti: Download FIFA+ via Google store of Apple Store pa sigui weganan di AVB su
Campeonato of sintonisa Nos isla TV canal 23.
Sistema di Campeonato
Pa 2022/2023, manera a informa anteriormente caba, lo cambia e sistema di
Campeonato. E idea ta pa tin mas weganan competitivo, mas weganan decisivo y cu tin mas weganan interesante.
AVB a forma un comision pa revisa e Sistema di Campeonato. Comision consistiendo di Sr. Michel Lopez, Sr. Ditto Acosta, Sr. Carlmichael Bikker, Sra. Shayna Harms y Sr. Randolf Lacle. A discuti varios scenario y tambe a reuni cu varios stakeholders e.o. for di comercio, media etc. y a tuma tur e informacion ey y a yega na e siguiente concepto. President Randolf Lacle kier a gradici cada un cu a duna nan input.
Website – www.avbaruba.com
Por ultimo, cu tur e cambionan aki, cu tur e cosnan nobo aki cu lo bin pa e temporada 2022/ 2023, naturalmente ta importante pa tene tur hende bon informa, AVB su website lo wordo reactiva y e website aki, lo ta yena di informacion, unda por haya tur informacion di reglamentonan y documentonan riba weganan, club miembronan, schedule etc
