ORANJESTAD,Aruba
Banda di e hecho cu gobiernonan no a traspasa un suma di 72 miyon florin na e compania nacional di desperdicio, Serlimar, awe ta sali na cla cu e compania lo a nombra un cantidad di 35 persona den e compañia, mientas a corta un cantidad di 34 persona cu tabata opera via contratista. Esaki ta significa per saldo cu a nombra un persona si analisa e cifranan di 2017 pa 2019.
For di fuentenan serca den Serlimar a compronde cu esaki a tuma lugar door di elimina exceso di personal cu a keda nombra politicamente den Mantencion bo Bario y acomodando e bon trahadornan den departamentonan unda tabata tin un deficit di personal den por ehempel helpdesk, finanzas y riba trucknan pa asina garantisa e continuidad y calidad di servicio riba e rutanan.
Tambe for di un di e empleadonan di Serlimar por a bin compronde cu ta masha hopi asunto di personal, manera entre otro bevorderingnan y derechonan di empleadonan a keda regla, despues di hopi aña wardando ariba esakinan.
Ainda falta hopi mas, segun e empleado aki di Serlimar, pero claramente por a wak con DRH despues di hopi aña a trek recht hopi di e derechonan di e trahadoran aki durante e ultimo dos añanan aki. Cu e documento aki awo por mira cu e storianan cu ta bai rond di cu lo a aumenta e cantidad di empleadonan of cu lo a yena Serlimar, ta simplemente un mentira.
Aki ta publica e dos colomnan den e rapport, unda ta keda demostra cu per saldo ta un hende a bin aserca ora compara esnan cu a worde corta for di e lista di contartistanan y esnan nombra den e compania sea mediante un contrato temporal of permanente.
