Den Nacional report convention of biological diversity a saca afo cu awanan di dutchcaribbean no tin nada cu ta mustra cu naturalesa ta recuperando di su mes

Den wereld natuur funds a sali cu ariba den Latino America den e ultimo 50 aña nos bio diversidad a baha cu 90%, esaki ta un situacion hopi grave y preocupante pa biodiversidad engeneral cu ta encera riba tera y lama. Tambe den e Nacional report convention of biological diversity a saca afo specialmente den e awanan di dutchcaribbean no tin nada cu ta mustra cu nos naturalesa ta recuperando y tampoco no tin cambionan positivo na Aruba. 

Tambe tin e raport cu a keda saca door di carmabi  na 2019 cu a splica specifiacamente cu e costa di Aruba ta den mal estado y e ultimo pida cu a resta cu ta den un bon estado ta na e punto zuid di Aruba y den e sondeo aki no a mira e costa oost den e investigacion aki.  NO ta trata di Aruba so pero e islanan den Caribe tin un situacion delicado di lama, pero na e mes un momento ta keda promove beachnan  na Aruba y e otro islanan tambe ta haci esaki sabiendo cu Caribe tin un situacion delicado di su lamanan. 

Segun Sietske van der Wal Inter Marin Park Manager y Conservation Education manager di Fundacion Parke Nacional Aruba FPNA nos por keda pone coralnan artificial , pero banda di esaki nos mester keda puntra nos mes si Aruba mester sigui den e direccion aki . Sinembargo lo keda pidi conscientisa y pidi pa  cambionan cu ta reduci tur e diferente stress nan cu tin riba nos coralnan y lama. Esaki ta encera tur e fuentenan di polucion di lama indirecto, pero tambe for di tera, Loke ta un realidad cu tin hopi actividadnan cu ta tuma luga riba tera ta afecta nos lama , esunnan cu ta crea contaminacion di nos awanan cu ta pone cu e calidad di nos lama ta baha y ta hopi abao, segun Sietske van der Wal Inter Marin Park Manager y Conservation Education manager di Fundacion Parke Nacional Aruba FPNA esaki ta algo cu na largo plaso tambe lo mester cambia. Ta spera cu cambionan lo tuma luga mas lihe cu ta posibel pa asina e efecto di e cambio ta bay tuma su tempo. 

Fundacion parke nacional Aruba no por haci e trabao aki su so, pesey mes ta train algun boluntario cu kier yuda y haci e trabao nan posibel pa FPNA y lo train tur esunnan cu kier y ta desea, pero esaki ta specialmente pa e studiantenan di universidad di Aruba y boluntarionan pa asina tin un grupo mas grandi mas amplio cu por yuda monitoria e diferente rifnan y e progreso riba e rifnan artificial tambe.