Aruba y Boneiro a perde dia 25 di september 2020 un gran musico, vocalista, bass player, director musical y maestro di entre otro instrumentonan cuarta, guitara, steelpan y brassband, Henri Jozef Rodriguez.
Henry tabata un homber di famia y e ta laga atras su casa Desiree Rodriguez Carter, Su yiunan Gerardo “Bashaka” Janga, Gwendy Shelton-Rodriguez, Nathaly Rodriguez. Reggie Albertus, Aisha Albertus. Su nietonan, Gerald Janga, Millizene Janga, Jean-dolph Martis, Jaden Shelton, Gabriela Rodriguez, Arzhianne Petiti, Jayron Petit, Jermain Giron, Jaydon Giron.
Su bisanietonan: Jerienne Janga, Jayden Henriquez, y Josienne Henriquez.
Henry su Carera Musical:
Na Aruba Henry Rodriguez a inicia cu su carera musical na cas cu su famoso tata, Lody Rodriguez, kende tabata conoci come “The One Man Band.” El a toca cu un banda chikito cu a hasta presenta na Telearuba. Despues el a uni cu De Trupialen y hopi ta e bunita recuerdonan cu tur su amigonan di Socotoro y Companshi por conta.
Henry como mucha jong a bay biba na Boneiro hunto cu su famia na 1968, su tata Lody Rodriguez, su mama Chichi Rodriguez Tromp, su ruman homber gran musico y guitarista tambe Raymond “Monty” Rodriguez y su ruman muher Lourdes “Lupi” Rodriguez. A keda Aruba su rumannan; Leo Rodriguez gran deportista futbolista, rumannan muhe y gran bailadonan Annie Phellipa, Erna Dirksz, Eveline Marchena kende tambe ta gran deportista, gran musico congista di The Musical Time Harry Rodriguez y conocido Rudy Rodriguez.
Na Boneiro mesora Henry y su ruman Monty a join e mundo musical y tambe Carnavalesco. E conocido Alejandro “Lalan” Clarenda, tata Lalan manera e ta yame a dedica hopi ora na Henry pa cultiva su talento musical y Henry semper a reconoce esey den dje. Henry Rodriguez a sigui desaroya su carera musical dor di toca primeramente e instrumento di Bajo y tambe canta. El a toca cu su gran amigonan di Boneiro den varios agrupacion musical. El a toca prome cu Niki Boko Steelband “The Defenders.” Despues a toca cu Aguinaldo Encantadores cu despues a bira Gaita Los Encantadores. Despues el a uni cu e banda GBM Selection y cu e “Beat Band Shure” cual, segun Henry ta esun cu nan a causa mas hopi furor na Boneiro y Corsou. Nan a biaha pa Venezuela cu Steelband tambe. Henry for di Boneiro caba a cuminsa forma parti di Coro di Misa Kralendijk percurando pa sirbi Dios tambe cu su talento.
Despues nan a lanta Sabana Steel Combo miho conoci como Sasteco. Esaki tabata practicamente un orkesta cu tambe tabata tin vocalistanan, cual ta hopi unico pa steelband. Varios di e miembronan di e steelband aki di Boneiro a biaha pa Aruba pa forma parti di The Invaders Steel Orchestra di e conocido Edgard Connor. Cu esaki nan a toca na casi tur hotel na Aruba diariamente pa 9 aña largo, nan so y / of acompañando entre otro e shownan di Moda di Farita Luidens, gruponan di show di Carnaval, te famoso Flame show di Vincent Marborough.
Henry a sigui cu su carera musical na Aruba y a uni cu e banda The Brothers como Drummer y despues e Orquesta Musical di Tito Flores como Bajista. Henry Rodriguez ta mas conoci na Aruba pa ta vocalista y bass player di Latin Four y despues Latin Four & Company cu entre otro Mylene Marquez.
Den e agrupacion musical aki el a canta hopi cancion memorabel cu tabata den top hitnan na Aruba. Henry a toca tambe cu e banda Tropical Breeze. Pa 19 aña largo Henry a toca na casi tur hotel na Aruba tur anochi sin falta un, formando parti di varios grupo musical cu tabata deleita turistanan y hendenan local.
Henry na Aruba tambe a toca y tabata un di e fundadonan di Energy Brass. El a forma tambe parti di TBS Brassband, cual su yiu Gerardo “Bashaka” Janga a lanta.
El a toca cu masha hopi grupo y semper tabata cla pa yuda reemplasa un musico si mester. Durante e ultimo añanan Henry a forma parti di e Gospel Musical group “God Sons” di Gregory Goedgedrag. Tambe cu hopi cariño el a forma parti di Koor Amor pa Mi Jesus, Tipico Brisa Tropical y mucho mas. Nos disculpa pa hopi cu no a ser menciona.
Ariba Youtube por wak un hopi bunita entrevista cu a ser haci cu Henry den un programa special “E Artista” na Boneiro presenta pa Mega Vision, cu Byron Tromp.
Henry it will never be the same without you. No tin dos mnera Bo! Bo tabata un gran musico, yiu, ruman, tata, welo, bisawelo, esposo, omo, primo, suegro, padrastro, brother in Law, comper, padrino, gran amigo, un gran contado di chiste, y mas cu tur cos un bon yiu di Dios! Love you forever! Henry, Sosega na Paz den brasa di Señor.
Henry ta forma parti di of a uni cu famianan manera ruman: Rodriguez, Phellipa, Marchena, Anthony, Tromp, Dirksz, Carter, Martes, Janga, Shelton, Harms, Becker, Baarh, Wild, Bermudez, Odor, Herms, Vingal, Snijders, Simon, Croes, Genser, Marugg, Koolman, Sierra, Lemm, Winklaar, Geerman, Maduro, Cortes, Smit, Angela, Wanga, de Roo, Paula, Zichem, Burleson, Jeandor, Toppenberg, Volkerts, Caster, Schultz, Raktoe, Mercera, Ferrier, Benschop, Trott, Naar, Tujeehut, Hek, Hernandez-Marcano, Valentijn, Maxwell, Carlo, Kelly, Ridderstap, Angela, Ter Braak, Kock, Henriquez, Figaroa. Albertus, Giron, Braaf, Charles, Petit, Oduber, Salsbach, Boekhoudt, Vrolijk, Carlos, Vis. Su comper y comernan.
Ta invita pa asisti na acto di entiero cual lo tuma luga diahuebs dia 1 di october pa 2’or pa 4’or pm saliendo for di AD Patres S.N pa Santana na Sabana Basora. Ta ricibi condolencia teniendo cuenta cu e reglanan di DVG. Vestuario preferibel color alegre manera nos defunto Henry semper a biba. Nos ta lamenta cu despues di entiero no por ricibi bishita di condolencia na cas.
