Prestashon turistiko mensual di Boneiru – Resultado preliminar
Tourism Corporation Bonaire (TCB) ta mèldu en total 14303 turista ‘stay over’ pa luna di òktober, loke ta enserá un oumento di mas òf ménos 17% di e yegadanan di promé ku e pandemia ku 12200 turista ‘stay over’ den luna di òktober 2019, segun sifranan di Ofisina Sentral di Estadístika (CBS). E merkado oropeo a presta mas mihó ku tur otro kantidat di bishitante registrá. Boneiru a registrá un prestashon positivo di su tòp dos merkadonan di mas importante. Nos isla a yama bon biní na en total 7274 (50%) bishitante hulandes i en total 2951 (20%) bishitante for di Merka. Banda di esei Boneiru a yama bon biní na bishitantenan for di nos isla besiña Kòrsou tambe, en total 1841, ku ta 13% di e kantidat total di yegada.
Merkadonan sekundario ku a mustra un kresementu positivo ku sifranan dòbel kompará ku luna di sèptèmber ta entre otro Alemania, Bélgika, Canada i Inglatera.
Ta konsiderá e anual Regata di Boneiru komo un evento importante ku tabatin un influensia positivo riba e kantidat total di yegada di turista pa luna di òktober 2022.
Diariamente TCB ta monitoriá e prestashonnan turístiko di Boneiru, i region di karibe tambe ta kompará su KPI-nan (indikadónan krítiko di prestashon) ku sifranan di promé ku e pandemia. 2019 tabata un di e añanan ku a presta mihó pa Boneiru i aktualmente TCB ta usa aña 2019 komo ‘baseline/benchmark’ pa midi Boneiru su rekuperashon turístiko.
Boneiru a midi un promedio di durashon di estadia pa merkado hulandes di 14 anochi i 7 anochi pa merkado merikano. Ademas e grupo di edat dominante di tur nos bishitantenan ta varia entre 46 i 65 aña. Den luna di sèptèmber 2022 Boneiru a yama bon biní na 5 barku krusero ku en total 14398 pasahero.
Pa e skema krusero binidero bo por bai riba www.bonaire.portcall.com pa e último aktualisashon.
Pa mas informashon i pa estadístikanan adishonal bo por bai riba www.bonaireisland.com òf bo por tuma kontakto ku nos via info@bonaireisland.com.
