109,318 pasahero a sali for di Aruba na juli 2021.Aruba Airport Authority N.V. (AAA) ta raporta como lo siguiente riba e prestacion di Aeropuerto Internacional Reina Beatrix (AUA Airport) pa juli 2021 unda cu e recuperacion mas fuerte a wordo raporta desde cu e pandemia a cuminsa na Maart 2020.
Na juli 2021, AUA Airport a procesa 109,318 pasahero cu a sali for di Aruba. Esaki ta 29% mas cu e luna anterior. Durante juli AUA Airport a recupera 90% di e cantidad di pasaheronan cu a sali for di Aruba compara cu e mesun luna na 2019. Na juli 2021 91,715 pasahero (pax) a biaha pa Merca, 7,568 pax a biaha pa Europa, 3,724 pax a biaha pa Antiyas Hulandes, y 6,311 pax a biaha pa Latino America.
Un averahe di e passenger load factor (PLF) na salida (cantidad di asiento ocupa en comparacion cu e cantidad total di asiento dispobibel abordo di un avion na momento di sali for di AUA Airport) pa e mercado Mericano di 91% a keda raporta den juli 2021, mientras cu e averahe di PLF pa tur mercado tabata 88% durante e mesun temporada (comparando cu 2019 unda e PLF averahe pa tur mercado tabata 85%).
Durante e luna anterior, AUA Airport a procesa un averahe di 30 buelo pa dia, esaki ta menos compata cu e 37 buelonan diario cu a wordo pocesa durante e mesun temporada na 2019. Den e mesun temporada na 2020 a procesa 275 buelo ora cu frontera a habri bek pa operacionnan comercial na juli 2020.
