SFSA por mira atras cu graditud na tur e contribucionnan cu a yuda imensamente na realisacion di e proyecto bunita aki. Riba su cumpleaño Minister President a honra tur presente cu su presencia pa duna un palabra y pa mira con tur cos a keda. FCCA ne momento ey a sorpresa SFSA cu un donacion mas y sigur esaki ta altamente aprecia.
SOFT OPENING:
Hopi hende conoce e centro di campamento SKA na Seroe Pita. Recientemente Stichting Faciliteiten Scouting Aruba (SFSA) a sera un acuerdo cu SKA caminda SFSA lo bai maneha e kampterrein na Seroe Pita como nan centro di scouting y centro di campamento. Danki na varios instancia tanto na Aruba como den exterior y tambe gobierno di Aruba, SFSA por a renoba e centro di campamento na Seroe Pita. Tambe a construi un modular como sala pa tene reunionnan, cursonan y charlanan. SFSA ta e Fundacion cu ta percura pa facilidadnan cu e vereniging Scouting Aruba por uza pa hasi nan actividadnan scout. Pa e projecto grandi aki SFSA a haya ayudo di Aruba Black Tie Foundation, Cede Aruba, Maatschappelijke Bijdrage di gobierno di Aruba, Fundacion di Boy Scouts of America, FCCA y VNO. Tambe tawata tin varios boluntario cu a yuda cu trabounan di instalacion di waterleiding, electra, gas y haci e tereno limpi.
Awe SFSA a organiza un evento caminda tur e instancianan por a bin wak e lugar completamente renoba. Asina nan tin un bista na unda nan subsidio a worde inverti.
Directiva di SFSA ta sumamente gradicido na tur e instancianan cu a duna sosten financiero cu por a logra e renobacion grandi aki.
