Den Mateo 28:18-19 ta para scirbi: Y Hesus a hala serca nan bisando: Tur autoridad a wordo duna na
Mi den cielo y riba tera. Pesey bay y haci tur nacion disipel di Mi.y batisa nan den e nomber di e Tata ,
y di e Yiu, y di e Spirito Santo. Y siña nan pa cumpli cu tur loke Mi a ordena boso, y mira Mi ta cu
boso semper, te na fin di mundo.
Lucas 10:19 ta para scirbi: Mira mi a duna boso autoridad pa trapa riba colebra y scorpion y riba tur
poder di e enemigo, y nada lo haci boso daño.
Lucas 9 : 1-2 ta para scirbi: Y E a yama e diesdosnan huntu y a duna nan poder y autoridad riba tur
demoño, y pa cura tur enfermedad, Y E a manda nan bai proclama e reino di Dios, ( E Evangelio) y
cura hende malo.
Juan 14-13-14 ta para scirbi: Y tur loke boso pidi den Mi nomber, esey lo Mi haci, pa e Tata wordo
glorifica den e Yiu. Si boso pidi algo den mi nomber, lo mi hacie.
Autoridad di Dios ta bini pa esun cu ta kere den Dios, pasobra esun cu rechasa e Yiu , tambe a rechasa
e Tata.
Sin e autoridad cu Cristo Hesus ta duna nos, ta bira dificil, pa reprende e trampanan di e enemigo.
Pesey e diabel ta rabia cu tur esnan cu ta sirbi Dios, pasobra ta solamente esnan cu ta kere den Cristo
Hesus na nan E a duna aurotidad pa saca demoño den su nomber.
No tin salbacion den ningun otro,pasobra no tin bao di cielo ningun otro nomber, cu a wordo duna na
hende, pa medio di cual nos mester wordo salba.( Hechonan 4:12).
Di berdad. Di berdad Mi ta bisa boso, kico cu boso pidi e Tata, E lo duna boso den Mi nomber.Te
ainda boso no a pidi nada den Mi nomber, pidi y boso lo ricibi, pa boso goso por ta completo.(Juan
16:23-24)
Juan 15:7 Si boso keda den Mi y Mi palabranan keda den boso,pidi tur loke boso kier, y esaki lo
wordo haci pa boso.
Ora nos tende di e frase keda den mi, un hende por puntra su mes kico mi tin cu haci?
Keda den Mi ta nifica:
Arepenti y entrega bo bida na Cristo Hesus pasobra nos tur a peca y ta falta e gloria di Dios.
Pone Señor na prome lugar den bo bida.
Sirbi Señor cu goso, alaba y glorifica su nomber.
Somete bo mes na Dios, y na Su boluntad.
Aparta for di tur locual ta obrananan di scuridad y inmoralidad.
Permanece den Señor y stima Senor cu henter bo alma,bo mente y bo curason.
Nos ta bibando den un mudu caminda hende no kier somete na e autoridad di Dios, y nan kier forma
nan propio autoridad, caminda cos ta mustra bon pa nan. Pero e palabra di Dios ta bisa cu tin hopi
caminda ta parce bon, pero su final ta morto.
Tur autoridad a wordo duna na Cristo Hesus pasobra ta para scirbi den Filipensenan 2:9-11.
Pesey tambe Dios a hals’E te na alturanan, y a dun’E nomber cu ta riba tur nomber, cu pa nomber di
Hesus tur rudia mester dobla di esnan cu ta den cielo,y riba tera, y bao di tera. Y cu tur lenga mester
confesa cu Hesus Cristo ta Señor pa Gloria di Dios Tata.
Den Cristo solamente nos tin pordon di pica, redencion y Salbacion.
Sinceramente, Pastor Marcel Balootje.
