Resientemente Representashon di Hulanda na Willemstad a risibí bishita di un delegashon ku ta representá komunidat di LHBTQ na Kòrsou. E bishita a tuma lugá den kuadro di e moshon den Eerste Kamer di e parlamento di Hulanda di e miembro Boris Dittrich (D66). Dittrich ta hasi un yamada na gobièrnu di Hulanda pa averiguá kiko e posibilidatnan ta na e tres paisnan Karibense den Reino pa matrimonio di e mesun sekso; un posibilidat ku na Hulanda ya ta ankrá den lei i den práktika.
E delegashon ku a bishitá Representashon di Hulanda na Willemstad, a kompartí hopi konosementu i pensamentu di entre otro kasonan den korte, e status di e lei na Kòrsou i problemanan práktiko ku personanan di e mesun sekso ta enfrentá riba tereno di adopshon, kuido médiko i muchu mas pa motibu di falta di reglamentu korekto. Lo bai kompartí e konosementu i pensamentu – ku e ofisinanan di Representashon di Hulanda na Aruba i Sint Maarten tambe lo kolektá – ku e ministerio di Asuntunan Interno i di Relashonnan den Reino. Ta hasi uso di esaki pa un reakshon riba e kompromiso di e gobièrnu di Hulanda, ku despues di resès lo manda pa Eerste Kamer
