Un delegacion di oficina di servicio pa proyectonan di Nacionnan Uni (UNOPS ) cu ta consisti di diferente directornan di di diferente pais di nacionnan Uni a bishita Sint maarten. Ta trata aki di director di Costa Rica, Panama y e islanan hulandes y ingles den Caribe.
Tambe e acesor technico principal di infrastructura y di proyectonan a reuni cu conseho di minister pa asina mustra e prome trabaonan di UNOPS di Sint Maarten ta haciendo pa e proyecto nobo di constrcuccion di prizon.
Den nomber di gobierno di Sint Maarten, UNOPS a ricibi un caluroso bon bini di prome Minister Silveria Jacobs, Minister di Husticia Anna Richardson, Minister di VROMI Egbert Doran y Minister di Finansas Ardwell Irion durante di e reunion cu a tuma luga. Prome Minister di Sint Maarten a expresa su alegria cu e delegacion a bishita Sint Maarten.
Durante di e reunion e director di UNOPS Sr. Alejandro Rossi a presenta e delegacion y tambe e meta di e bishita na Sint Maarten. Unda cu UNOPS lo mester familiarisa cu e Pais unda cu lo mester cera conoce cu diferente departamentonan di husticia cu ta e cadena hudicial di Sint Maarten cu lo ta forma parti di e proyecto di e prizon nobo di Sint Maarten.
Tambe a dicuti riba e parti final unda cu a papia riba diseño, planificacion pa e prizon nobo. Tambe a profundisa nan mes den e detayenan relashona cu e propuesta di e proyecto di UNOPS.
Despues cu a tuma decision riba e parti aki a sinta cu e parti di administracion y director di prizon di Sint Maarten Sr. Steven Carty. E director a papia riba e menaho actual di prizon y tambe e retonan cu nan ta confrontando.
Despues cu a reuni nan a haci un recorido den centro di detención de Point Blanche unda cu e delegacion di UNOPS por a haya e prome imprecion di e instalacionnan. Tambe nan a haci bishita den e celnan di detencion di Inmigracion y tambe e celnan di detencion di KPSN. Tambe nan a haci bishita na Centro Medico Sint Maarten.
E organisacionnan den e keten di Husticia por a comparti nan conocimento y nan practicanan den e area cu nan ta atende den e keten. Tambe tabatin un reunion cu fiscal unda cu por a haya un bista mas amplio di e problemanan di husticia cu tin na Sint Maarten. Tambe a bishita fundacion di salud mental unda cu a papia riba e cuido psicologo y Psychiater cu ta duna e personanan cu ta bay sera.
A reuni cu secretario di relashonan di exterior (DBB). Riba e ultimo dia e delegacion a haci bisita na Sr. Gobernador Eugene B, comite di justicia na parlamento cu a ricibi un presentacion di UNOPS y BZK unda cu nan a papia riba cada un di nan interesnan y tambe e parti financiero pa asina inicia cu e prome parti pa e prizon. Na final tur hende a keda contento y ta spera cu den e siguiente bishita por mira resultado di e prome fase di construccion.
