Un delegacion di tres miembro cu a keda apunta pa Ministerio di relacionnan di Reino cu ta evaluando e posibilidad di introduccion di trato di igualdad di Hulanda a bishita Saba siman pasa pa combersa cu autoridadnan y stakeholders.
E delegacion cu ta encabesa pa ex gobernador di Boneiro Glenn Thode a papia cu conseho insular ,conseho ehecutivo, politiconan y cu gerencia di identidad publico di Saba,Departamento di desaroyo comunitario,Saba Cares Body, Mind & Spirit (BMS), departamento di polis y Saba Comprehensive School (SCS) riba e legislacion di antidiscriminatorio cu ta considerando pa e islanan.
E meta di e tres dianan di bishita ta pa intercambia puntonan riba loke a sosode riba discriminacion den e comunidad y e forma cu e legislacion por yuda pa remedia e situacion. Actualmente ta balorando e forma di trato di igualdad y desigualdad riba e islanan.
Manera ki tipo di problema di discriminacion tin,cua ta e necesidadnan y con por haya solucion util hunto, asina Thode a duna di conoce den e reunionnan. Tambe Thode a menciona cu e ta considerando establece un Punto di reporte local pa victimanan di discriminacion.
Tambe a keda treci padilanti cu e instituto di derecho humano di Hulanda ta haciendo caba casonan di igualdad na e islanan den corte, asina Suzanne Vogel-Koelman miembro di delegacion di ministerio di BZK a duna di conoce.
Segun Glenn Thode ta importante pa e ciudadanonan compronde loke cu e legislacion por haci pa nan prome cu e otro leynan wordo introduci. Pesey mes no a papia solamente cu a autoridadnan concerni pero tambe a papia cu ONG, bisiñanan pa asina conoce nan sentimentonan y su preocupacionnan y nan deseonan.