Un delegacion di Eerste Kamer di Parlamento di HUlanda a yega Saba diadomingo ultimo. Ta trata aki di un delegacion di 13 parlamentario unda cu nan tur ta miembro di comicion permanente di relacionnan di Reino. Gezaghebber di Saba Jonathan Jonson a ricibi e delegacion na aeropuerto. E mandatario tabata acompania cu secretario di entidad di Saba Tim Muller y director di siguridad y asuntonan legal Gerald Simmons -de Jong y gerente di aeropuerto Meagan Hassell. Hasell a duna un splicacion riba e Proyecto di renobacion di aeropuerto cu a keda cla. E Proyecto ta insera di un cantidad di asphalt cu mester a pone pa e pista di aeropuerto di Saba.
Presidente di e compania di electrisidad di Saba Dexter Johnson y director Mark Zager a duna informacion riba parkenan solar na aeropuerto y riba e strategia cu lo bay uza na Saba pa 2020-2035 y e plan nan pa yega 100% di energia alternativo den futuro. E delegacion despues a bishi ta e instalacionnan di Hydroponics na Rendez-Vous na unda cu Jim Garza di Gezondheidsfarms cu ta consehero di maneho agricultura Justin Simmons- De Jong y hefe di Departamento di cultura Randall Johnson a splica riba e proyecto horticultura y tambe e esfuersonan di Saba pa aumenta actividadnan di agricultura y cultivacion di productonan na un manera sostenibel y hinca esaki den e Hubentud di Saba. E bishita tabata uno fructivero y cu Saba lo sigui traha riba nan Desaroyo pa e isla.
