Defensa Region Karibe Hulandes a partisipá ku mas di 100 Militar Hulandes i di Kòrsou na e treinen Internashonal ”Tradewinds”. E ehersisio a tuma lugá di 4 te ke 16 di Mei na Barbados, entre otro komo preparashon pa e temporada benidero di orkan i pa reforsá kolaborashon Internashonal.
Huntu ku entre otro Estádos Unídos, Canada, Fransia i diferente pais di Karibe, Defensa Region Karibe Hulandes a partisipá na e ehersisio “Tradewinds” na Barbados. Ku un total di 26 pais partisipante i mas ku 1.000 militar, dos siman largu a invertí den e kolaborashon Internashonal.
E aña aki e enfoke di e ehersisio tabata riba yudansa humanitario, e lucha kontra di desaster i entrenamentu kontra menasanan ku Region Karibe lo por haña su mes envolví den dje den futuro. Pues e Marinirnan entre otro a realisá ehersisionan di abordahe, en koperashon ku Militarnan Mehikano; Militarnan di Kòrsou a realisá huntu ku Militarnan Merikano, operashonnan den zonanan urbano i Zr.Ms. Pelikaan a hasi ehersisionan di maniobra, huntu ku entre otro Navenan di Marina di Santo Domingo, Canada i Fransia.
Defensa Region Karibe Hulandes a partisipá na “Tradewinds’ ku Militarnan di Kòrsou, barku Patruyero Zr.Ms. Pelikaan, Marinirnan di Eskuadron di Marina Aruba, Marinirnan di Destakamentu Sint Maarten i gruponan di boto tantu di Aruba komo Kòrsou.
Defensa ta trein vários biaha pa aña pa yudansa di emergensia durante orkan. Asina ademas di e ehersisio “Tradewinds” na Sèptèmber durante e temporada di orkan, tambe e ehersisio “Windward Express” ta tuma lugá na Islanan Ariba. Ku yudansa di e sorto di ehersisionan aki Defensa ta prepará pa dunamentu di yudansa den emergensia (humano) na momentu ku esaki ta nesesario.
Tradewinds training moments
Maritiem
