Den cuadro di e maneho di speervissen (spearfishing) cual gedoogbeschikking nan ta caduca 26 di mei 2022, Minister di Naturalesa ta anuncia lo siguiente;
Basa riba combersacionnan amplio cu stakeholders (profesionalnan y tiradonan di pisca) y tumando den consideracion rapportnan, tratadonan y consehonan ta yega na e conclusion cu base amplio y unanime- cu speervissen (spearfishing) ta e forma mas sostenibel di pesca, semper y cuando esaki ta bon regula y controla.
E decision ta pa re-anuda preparacion pa regula spearfishing por medio di permiso (vergunningstelsel). Cu consideracion di varios conseho lo propone condicionnan adicional compara cu e concepto previo pa un vergunningstelsel. Mientrastanto lo introduci condicionnan adicional riba gedoogbeschikkingen existente.
Gedoogbeschikkingen existente lo keda na vigor mientras e concepto di maneho nobo lo wordo presenta dentro di poco na tur stakeholders pa dialoga, conforme palabracion haci cu nan.
E concepto pa un maneho nobo di regulacion ta encera (entre otro) cu mientras ta prepara un sistema legal di permiso, lo introduci condicionnan adicional pa gedoogbeschikkingen.
Tur piscado cu un gedoogbeschikking lo haya informacion na un tempo rasonabel pa cumpli cu condicionnan adicional y proceso nobo di peticion pa vergunning.
E maneho tin como meta pa laga spearfishing tuma luga na un forma mas sostenibel posibel y alabes ta aplica e punto di salida cu maneho ta ser haci den forma transparente, den dialogo y semper cu bienestar general, cu bista riba sostenibilad como base principal.
