Staatsecretaris Alexandra van Huffelen a yama un conferencia di prensa na unda cu a elabora riba reunion den rijskministerraad unda cu a elabora riba diferente puntonan cu tabata riba agenda. Tur tin di haber cu e relacion cu e islanan den Caribe.
Den e prome parti e mandatario a duna di conoce cu a ricibi e financieletoezicht , jaarverslag di kustwacht unda cu diferente botonan special di kustwacht lo keda modernisa pa nan por sigui vigila den e areanan di Caribe, pero tambe a drecha algun nombramento di personal.
Na Boneiro e garantia nacional di hypotheek lo subi , esaki ta un proyecto cu ya caba a cuminsa cu ne pa e personanan cu ta biba na Boneiro cu un entrada hopi abao tambe por yega na un hypotheek pa por yega na nan cas. Prome tabata un hypotheek di $25 mil cu ta hopi abao pa e ciudadanonan di menos entrada yega na nan cas, pesey mes awo e lo bira $ 305 mil. E decision aki Hulanda lo hacie hunto cu otro partidonan na Hulanda manera e nacionale hypotheek garantie cu ta un organisacion, Maduro curiels bank MCB na Boneiro y hypotheek garantie cu tambe ta existi na e islanan eurpueo den Reino Hulandes pa por tin un garantia pa por haya un prestamo asina. Mester a subi e suma mirando cu e casnan na Boneiro ta hopi grandi y esnan di menos recurso no lo por yega na un cas, pesey mes e desicion na Hulanda a cay cu lo subi e suma cu por presta esnan cu menos entrada na un suma di $305 mil pa nan por logra yega na nan cas.
