Aruba a presta 916 miyon di Hulanda durante di pandemia, esaki tabata pa yuda pa gobierno sigui opera, yuda cu Fase,loonsubsidie, pakete di cuminda ect ect. Pa loke ta trata e prestamo aki Aruba a avisa Hulanda cu Aruba merece pa haya un dispensacion. Sinembargo Hulanda tabata bon cla cu Aruba cu no lo duna Aruba dispensacion, ni completo ni parcial, segun Prome Minister Evelyn Wever Croes.
Hulanda a pidi Aruba pa no trece e punto di dispensacion riba mesa mas, y Aruba a dicidi di “Parkeer” e punto aki y asina cuminsa papia riba e refinanciamento di e debe. Asina e deliberacionnan a cuminsa unda cu Aruba kier sa cuanto mester paga bek y Aruba ta sugeri pa yega na un parti di e debe awo y e otro parti lo “Parkeer “ e pa asina mira cu den futuro tin un speransa cu Aruba por haya un dispensacion.
Segun Prome Minister Evelyn Wever Croes loke cu tambe ta importante pa Aruba sa cuanto aña Aruba ta haya pa por paga bek, den 5 aña esaki no por, pero porta 25 aña si. Tambe loke cu mester ta bon cla kico ta e interes cu ta acopla na e debe pa asina Aruba por tin un bista con lo e prepara su mes pa por paga e debi cu e keda presta durante di COVID na Aruba.
Sinembargo ya caba Aruba a ricibi for di Hulanda un bista kico ta e interes y kico ta e condicionnan pa cada categoria di interes. Tur esakinan ta informacionnan cu Hulanda a duna Aruba y awor Aruba ta den e parti pa haci calculacionnan pa bay parlamento pa delibera cu parlamento y despues bay bek Hulanda y pa negosha cu Hulanda di kico Aruba a dicidi. Prome Minister Evelyn Wever Croes ta kere cu den e ultimo siman nan di mei lo por duna un bista mas amplio di e proceso di paga Hulanda bek.
Loke ta un realidad cu Aruba tin un solo pilar economico, sinembargo tempo cu Minister Xiomara Maduro tabata minister di economia a haci un estudio hunto cu banconan mundial pa sa kico ta e areanan bon pa Aruba desaroya. Den e investigacion aki a yega na 6 area cu Aruba por desaroya un di nan ta diversificacion di turismo manera turismo di deporte, medico, arte, tambe agricultura, Pone e waf y aeropuerto disponibel como HUB , esaki ta mirando e posicion geografico cu Aruba tin den region. Mirando e canal di Panama cu ta wordo amplia, Aruba por hunga un rol hopi mas grandi eynan cu nos waf y aeropuerto como HUB . Tambe tin e posibilidad di e economia di conocemento y Universidad di Aruba ta trahando riba esey,pero tambe e industria creativo cu artistanan mes por traha nan luga cu nan por tin espacio pa expone nan obranan di arte. Tambe Blue economy cu Aruba no ta haciendo bon uzo di dje.
Segun prome minister Evelyn Wever Croes e dos pilarnan grandi cu Aruba tin ta Turismo y refeneria tabe tabata uno pero berdad ta cu esunnan menciona no ta pilar nan grandi , pero si Aruba por logra di tin e chikitonan pa crece nan por bira grandi tambe.
