Dutch Caribbean Nature Alliance (DCNA) a kaba di publiká un buki chikitu tokante DCNA su logronan durante e último aña. E retonan ku naturalesa na Hulanda Karibense ta konfrontá ta inmenso, pero e seis miembronan di DCNA huntu den un ret di kontakto di Maneho di Organisashonnan di Protekshon di Área Protehá tin mas forsa ku nan meta komun di salbaguardiá naturalesa na Hulanda Karibense.
DCNA ta un fundashon non-profit i un ret di kontakto kreá pa sostené i asistí Maneho di Organisashonnan di Protekshon di Área Protehá riba e seis islanan di Karibe Hulandes Aruba, Boneiru, Kòrsou, Saba, St. Maarten i Statia. DCNA tin komo meta salbaguardiá biodiversidat i promové maneho duradero di e rekursonan natural di e islanan tantu riba tera komo den laman pa benefisio di e generashon di awendia i esunnan di futuro.
DCNA ta traha ku organisashonnan dediká di naturalesa na Aruba, Boneiru i Kòrsou, Saba, Statia i St. Maarten. Ku kreashon di un bos uní i kompartiendo rekursonan, abilidatnan i eksperensia, DCNA por hasi e ret mas fuerte i sostené inisiativanan di konservashon denter di Hulanda Karibense. DCNA tin tambe komo meta proveé e parkenan denter di e region ku un futuro ku fondo duradero.
E aña akí a bira unu ku hopi reto no solamente pa DCNA pero pa tur e Organisashonnan di Maneho di Áreanan Protehá ku ta forma parti di nos ret di kontakto. Apesar di esaki, DCNA ta trahando duru pa sigurá di por kontinuá ku e sosten ku e ta duna na e Organisashonnan di Maneho di Áreanan Protehá pa sigurá ku nan trabou indispensabel di salbaguardiá naturalesa den Hulanda Karibense por kontinuá.
Tabata un aña ku hopi trabou pa DCNA, kuminsando ku e apertura di DCNA su Ofisina Prinsipal di Sekretariado na sèptèmber 2019 te ku e trabou ku nan ta ehersé aworakí yudando e Parkenan reakshoná riba e aktual krísis global di COVID-19. Hopi kos a tuma lugá inkluso un konvenshon eksitoso, ku a trese e Organisashonnan di Maneho di Áreanan Protehá di e seis islanan, e organisashonnan i institutonan sientífiko mas prinsipal di Hulanda, e stakeholdernan lokal i algun embahador hóben di naturalesa, den kolaborashon mas estrecho ku otro. E otro aktividatnan ta inkluí sosten di edukashon di naturalesa, desaroyo di dokumentunan importante di maneho, kartanan di gerensia i komunikashon ku siensia i aserkamentu na públiko.
A traha e bukinan chikí spesialmente pa tur esnan ku ta interesá den konservashon di naturalesa na Hulanda Karibense i pa nos partnernan lokal i internashonal, manera Postcode Loterij di Hulanda, Worldwide Fund for Nature di Hulanda (WWF-NL), Vogelbescherming Nederland, Komité Nashonal di IUCN Hulanda, Rabobank i Ministerio hulandes di Agrikultura, Naturalesa i Kalidat di Kuminda. E promé ehemplar di buki ku informashon di último ora a bai pa e patrono di DCNA, Su Mahestat Prensès Beatrix, kende ta hopi interesá den konservashon di naturalesa na Hulanda Karibense.
DCNA sinseramente ta gradisí tur miembro i partner di DCNA, konservador, sientífiko i siudadano interesá. Nos a logra esaki huntu dor di kompartí nos ekspertisio, rekursonan i konosementu i dor di traha huntu ku partnernan ku dedikashon rònt mundu.
E tim di DCNA lo kontinuá ku su aktividatnan di sosten di konservashon segun su abilidat optimal konsiderando e aktual pandemia global
