David Abdul ta Technical & Development Manager na AVB y a drenta AVB 2 aña pasa como Academy Coordinator, a lanta diferente academy y seleccion nan cu ta U13-U15-U17-U20 y awo tin 1 luna trahando den e posicion nobo cu ta mas den desaroyo di futbol y e hobennan den diferente area manera campeonato, coaching , womans futbol, departamento di refry y academy. Segun David Abdul ta mira un cambio, pero no ta mira esaki mucho den e hoofdclass, pero si ta mira e cambio den e muchanan mas hoben.
E posicion actual ta exigi hopi pasenshi no ta wak e frutonan dibiaha sinembargo no falta mucho pa ta completo, pero e parti mas importante ta e parti di infrastructura y pa AVB tin su mes un veld, actualmente tin como 4 stadion pero nan ta completamente ocupa y na momento cu mester train debi cu e veld ta ocupa cu ta conduci cu e muchanan no por train.
Ta importante pa AVB tin su mes un veld y esey lo por yuda hopi pa na final yuda e desaroyo. Esaki sigur ta algo cu falta, pero voor de rest AVB ta completo cu su materialnan y toolsnan, tin CONCA,FIFA cu ta sostene AVB den e proyectonan y tambe tin e vision y mision di AVB y tin su profesionalnan por bisa cu AVB ta riba e bon caminda.
Segun David Abdul si bo ta un hoben deportista di Aruba y despues bo ta bay afo y sigui bo estudionan combina cu bo deporte AVB ta keda den contacto ta keda monitoria e deportista y por buske un dia pa seleccion nacional. Ta importante pa e muchanan por bay afo y sigui desaroya nan mes mirando cu na Aruba e hobennan por desaroya nan mes te na un nivel y pa bo bira miho bo mester por hunga cu hungadonan cu ta miho cu bo y esaki ta e reto cu nan ta haya den exterior cu sigur ta hopi importante riba e desaroyo di e deportista.
Un deseo cu David Abdul tin ta cu kier mira Aruba subi di FIFA ranking y tambe futbol ta parti den dos unda cu tin mes futbol y elite futbol. E elite futbol ta e hungadonan cu ta un poco mas talentoso cu kier yega un poco mas leu, pero bo tin esunnan cu ta hunga recreacional tambe cu ta mes futbol cual cu ta 90 % di bo futbol na Aruba. E parti aki tambe ta importante pa por crece mirando cu tin diferente otro, manera beachfutbol y si e grupo di mes futbol crece automaticamente e grupo di elite tambe ta crece y asina lo sigui mira e futbol na Aruba mehora. Cada hungado tin nan propio club y e comunicacion entre e clubnan ta sumamente importante pa asina por sigui haya hungadonan cu kier sigui crece den e deporte di futbol na Aruba.