Un Milieu Effecten Rapportage , ta un reportahe di e efectonan medio ambiental di un projecto di infrastructura. Na e momentonan aki un di e rekisitonan pa proyectonan nobo ta pa entrega un M.E.R. rapport pa por evalua e efectonan medio ambiental di e proyecto riba e area unda kier construi of desaroya
Daphne Lejuez, candidato number dos riba lista di partido Accion21, ta subraya cu actualmente Aruba no conoce un comision di experto independiente (manera na Hulanda) cu na prome lugar ta determina e rekisitonan pa e raportnan aki, ni tampoco cu ta controla e contenido di dicho rapport ta cumpli cu e rekisitonan cu e ser stipula. “Esaki ta causa cu hopi biaha e desaroyador di e proyecto ta laga traha e raport aki, pero realmente e lo no haña resistencia, pasobra e no por wordo debidamente controla,” sra. Lejuez ta comenta.
Desaroyo den Balans cu Medio Ambiente
Den cuadro di desaroyo sostenibel y duradero, y considerando cu casi 90% di terenonan na Aruba a ser desaroya, sra. Lejuez ta enfatisa cu ta imperativo pa introduci un comision M.E.R. pa Aruba, of busca colaboracion cu esun existente na Hulanda pa di e forma aki crea un comision pa e islanan den Caribe.
Sra. Lejuez ta bisa cu pa e comision aki por funciona debidamente, e Ley di Medio ambiente (Milieuwet) mester wordo introduci y implementa pa asina sirbi como un punto di salida pa por garantisa un desaroyo responsabel cu ta den balans cu nos medio ambiente, flora fauna, y cu ta den bienestar general di nos ciudadanonan y futuro generacion.
