Danki pa bo sosten: Rifa ‘Ban Vakantie cu MEP’ tawata sold out

Nos disculpa na esnan cu no a logra cumpra ticket of buki di rifa

Na Cede di Partido MEP na Santa Cruz, diadomingo 2 di juli, a tuma luga e sorteo di e rifa ‘Ban Vakantie cu MEP’ cu e meta principal pa recuada fondo pa Partido MEP. Partido MEP ta gradici tur esnan cu a contribui den e recaudacion aki pa yuda Partido cubri gasto pa e siguiente eleccion. E rifa a wordo hopi bon bendi y tawata sold out ya for di un siman prome cu e sorteo a tuma luga. Partido MEP ta hopi satisfecho y gradecido. Total 13 mil florin ta wordo reparti den 5 feliz ganado. 

E numbernan ganado ta: 

1. Prome premio: 20335: 10 mil florin cash
2. Di dos premio: 18946: 1500 florin cash
3. Di tres premio: 01537: 750 florin cash
4. Di cuatro premio: 13629: 500 florin cash
5. Di cinco premio: 15567:  250 florin cash

Lider di Partido MEP, señora Evelyn Wever-Croes den nomber di Partido MEP, ta gradici tur esnan cu un biaha mas ta sostene nos Partido prestigioso. Partido MEP ta un partido cu no ta depende di comercio pa su campaña electoral pero semper ta conta cu e sosten di sostenedornan di Partido y di ciudadanonan en general. “Ya manera cu e rifa e sali, e entusiasmo tawata halto y a sold out un siman prome cu e fecha di sorteo. Esaki, pa Partido MEP ta un señal cu comunidad ta sostene Partido MEP y nos ta aprecia esey enormente hopi”. 

Partido MEP ta pidi disculpa na esnan cu no por a cumpli cu nan y cu no a logra cumpra nan ticket of buki di rifa manera costumber, pero Partido MEP ta gradeci nan pa nan sosten continuo. Danki na tur candidato, na tur esnan cu a haci e rifa un exito. Pabien na cada ganado. Por tuma contacto cu partido pa ricibi bo premio.