Jonathan Lake ta Coach di SV Dakota y ta train e deportistanan di e Divicion di honor. Diasabra ultimo Dakota a hunga contra di RCA e wega prome cu final y Dakota a sali victorioso den e wega aki. Training nan prome cu e wega tabata duro , pero loke cu ta mas importante ta e tactica nan cu ta ser poni pa e hungado cumpli cu ne y cu por mira e resultado di e wega.
Coach Lake ta kere cu e tactica cu a keda treci padilanti e deportistanan a haci uzo di esaki , y esey ta loke ta conta mas mirando cu un coach por trece un plan pero si e hungado no ehecuta e plan e ora no lo tin resultado. E prome tempo a bay hopi mas miho cu e segundo tempo, pero haciendo cambio por a mira cambio tambe den e wega.
Traningnan a sigui tuma luga y e concentracion riba e deportistanan di team di Dakota pa keda focus pa nan logra ta sigui tuma luga. Pa Dakota e wega tabata algo exitoso, e siguiente wega lo ta diarason 22 di juni 2022 RCA / DAKOTA. Den henter e proceso di e weganan mester keda hunga tanten cu refri fluit, si no scucha e fluit e speransa ta keda cu wega por cambia.
Tambe ta papia hopi cu e team completo pa keda humilde y no bira arogante y tin confianza den nan mes y ta sigur di nan mes y nan team cu nan lo logra. E invitacion ta keda na tur mayor, amigonan, amiganan, bisiña,dakoteronan y Aruba completo pa bin apoya bo team preferi y mira un bon wega entre RCA/Dakota diarason awo.