Comunidad di Corsou por ta orguyoso di por tin un grupo di hoben profesional a uni I oficialisa e movemento den forma Curaçao Pride Foundation’. E fundacion tin como meta i encargo pa i promove desaroyo di aceptacion, inclusion i igualdad di e comunidad LGBTQ na Corsou.
Directiva di e fundacion ta consisti di Charlysen Jansen (Presidente), Roushaira Alexander (Vice-presidente I Secretaria), Jordan Constancia (Tesorero), Timothy Martina (Comisario Externo) i Francis O’Connor (Comisario Interno). E tim henter ta agradecido na tur esunnan prome cu a hiba e lucha pa aceptacion di e comunidad LGBTQ+ na Corsou i ta spera di por sigui conta cu cada un su sosten I apoyo den futuro.
‘Curaçao Pride Foundation’ ta encarga cu celebracion di ‘Pride 2023’ cu e aña aki lo bay tuma luga di durante e prome dos simannan di october. Di 1 pa 15 di october comunidad henter I personanan LGBTQ+ en particular ta keda cordialmente invita pa asisti na e varios evento I charlanan. Naturalmente e tradicional ‘Pride Walk’ colorido no por keda ‘fó. Esaki cu lo tuma luga dia 12 di october, saliendo 7or di anochi for di Riffort i lo culmina den un grandioso encuentro den Rainbow Park riba Wilhelminaplein.
E edicion di Pride 2023 ta carga e tema ‘Live in Color’. Biba bo colo. Cu e lema aki, kier enfatisa con esencial ta pa haña bo identidad I wordo acepta pa ken bo ta. Di wordo elabora dor di un comunidad cu ta consciente di e enrikesementu den diversidad.
Curacao Pride Foundation’ ta compromete su mes na haci Corsou un pais caminda personanan LGBTQ + por prospera I wordo celebra pa ken nan ta.
