GLW Foundation ta organisando pa di 9 aña consecutivo su benta di cupcake “Cupcake di Speranza”.
Manera ya a bira un tradicion, GLW Foundation organisador di Miss Teen Aruba International y Turismo Mundial ta organisa e di 9 edicion di su popular “Cupcake di Speranza”.
E aña aki nos ta dedica nos benta na Baby Jeremiah y Famia Rasmijn.
Baby Jeremiah ta un baby di apenas 3 luna cu mester a wordo hiba Colombia pa asina haña tratamento pa salba su bida. E baby aki a nace cu “Tratalogia di Fallot” y ta den exterior pa su salud y famianan mester mas fondo pa caba di paga full su tratamento. Y tambe parti di loke nos lo recauda lo yuda tambe Famia Rasmijn cu a perde tur cos na nan cas cu a kima na final di aña 2023. E pareha ya caba di edad a ricibi basta quemadura pero danki Dios nan ta cu bida y nos lo kier yudanan cu loke nos por.
Pesey mes GLW Foundation cu su lema semper “Mas cu un certamen di beyeza” lo ta organizando e Cupcake di Speranza pa dianan 13 y 14 di February 2024.
Aki ta unda companianan y tambe individualnan por bestel cupcake den e forma simbolico di 5 florin pa Cupcake y di e forma aki tambe yuda cu e bon causa aki. Minimo pa order ta 10 Cupcake y por bestel cuanto cu ta desea.
Pa bestelling por manda un whatsapp of yamanos na 561-61-51 y haci bo pedido.
Na nomber di famia di Baby Jeremiah y tambe Famia Rasmijn, henter famia y nos organisacion di GLW Foundation MASHA MASHA DANKI. Tambe bo por haci un donacion si ta desea esaki na e cuenta di bancario ( por comunica cu nos pa mas detaye con abo tambe por yuda.
Nos team di repartidornan lo parti e cupcake nan aki dianan 13 y 14 di February tanto na cas y tambe na companianan.
