Riba dialuna ultimo, tabatin e apertura oficial di e estudio di dos aña pa bira polis na Hulanda Caribense. Durante e apertura, hefe di KPCN, sr. Alwyn Braaf a yama bon bini na e 24 agentenan aspirando. Despues e studiantenan a haña un introduccion di loke por spera e dos añanan venidero.
Esaki den presencia di e team di maneho di cuerpo policial (Korps Management Team (KMT), hefe di team pa e area di Caribe di e academia di polis, Sr. Rob Appelhof, coordinado di estudio pa KPCN, sr. Lionel Vrutaal y e guiadonan di practica cu lo guia y sostene e studiantenan durante e estudio.
Pa clausura e parti oficial, e studiantenan a huramenta y e preparacion pa comienso di e estudio a cuminsa na mes momento.
Bou di responsabilidad di academia di Polis di Hulanda, e studiantenan ta haña diferente conocemento di modulonan tocante supervision, investigacion di delitonan/crimen y con pa brinda yudansa den caso di emergencia. E 24 agentenan aspirando lo sigui e estudio completo na Boneiro.
Despues di dos aña, tur aspirando lo tin un diploma di polis riba nivel MBO-4, durante cua nan ta disponibel riba Boneiro, Sint Eustatius y Saba.
