Cuerpo di Inmigracion Aruba despues di 10 aña a keda oficialisa

Reorganisacion pa Inmigracion Aruba a keda cla. E tabata un proceso largo y varios leiding den transcurso di casi 10 aña a duna nan granito, y nos a conoce varios formatierapport y cambio di nomber di e departamento aki.

Na 2014 e proceso a inicia y awe esaki a culmina cu e entrega di un total di 72 landsbesluit, 11 pa e coleganan cu ta forma parti di e lichting nobo y 60 pa cu e demas personal cu ta forma parti di Inmigracion Aruba.

Cu e reorganisacion aki e rechtspositie di cada un personal ta keda regla y por cuminsa crece mas. Pues, e reorganisacion aki ta brinda mucho mas perspectiva y un carera mucho mas largo. Ademas di esaki, e caminda a wordo habri pa por brinda mas opleiding y mas tools pa por eherce e funcion aun mas miho.

Un pabien como tambe un danki na henter e leiding, DRH, tur sindicato y personal cu e logro bunita aki. Despues di 10 aña Inmigracion Aruba, ta keda oficialisa.