Oficina di Turismo di Corsou (CTB) ta anuncia cu entrante fin di october proximo te cu mei 2024 e aerolinea WestJet lo ehecuta su skema di winter pa Corsou. WestJet ta e di dos aerolinea di mas grandi di Canada cu pa basta aña ta operando vuelonan directo semanal pa Corsou durante temporada di winter.
E skema di winter di WestJet ta inicia 29 di october 2023 cu 1 vuelo pa siman entre Toronto i Corsou riba diadomingo. Entrante 18 di december te ku 1 di april 2024 e vuelonan entre Toronto i Corsou lo aumenta na 2 biaha pa siman riba diadomingo i dialuna. E decision aki ta bini como resultado di e demanda halto pa Corsou.
For di 7 di april te cu 5 di mei 2024 e aerolinea lo ehecuta su vuelo regular cu frecuencia di 1 biaha pa siman riba diadomingo. E skema di winter aki ta nifica cu mas turista for di Canada por bishita Corsou pa nan vacacion. Na mes momento e aumento den cantidad di pueblo ta brinda mas opcion di biahe pa nos pueblo local cu ke bishita Toronto. E pueblo pa Corsou lo keda efectua cu un Boeing 737 MAX cu un capacidad di 174 stoel.
Turismo di Corsou ta sigui riba bon caminda. E esfuersonan pa Corsou ta mas accesibel pa turistanan for di Canada, ta un colaboracion estrecho entre WestJet i partnernan local; Oficina di Turismo di Corsou (CTB), Curaçao Airport Partners (CAP), Curaçao Airport Holding (CAH) i Curaçao Hospitality & Tourism Association (CHATA).
