ORANJESTAD, Aruba
Den e ultimo 3 siman, Cruz Cora Aruba a activa su Team di Calamidad y ta preparando pa duna sosten durante Covid-19 na Aruba.
PREPARACION:
Varios training a tuma lugar caba, por ehempel di e uso corecto di PPE (Personal Protective Equipment), anochi di informacion cu Dr. Salazar di DBZ, y digitalmente a manda pa tur voluntario un curso tocante preparacion.
Tur e trainings cu ta tumando lugar ta pa prepara e team pa por duna sosten na Gobierno di Aruba na momento cu esaki wordo pidi.
ASISTENCIA ACTUAL:
Na e momentonan aki, na peticion di Gobierno di Aruba, Cruz Cora Aruba ta distribui cuminda na persona/famia bou cuarentena.
CONTACTO CU NOS:
Cruz Cora Aruba tambe ta practica “Social Distance” y a adapta su manera di traha ya for di diamars cu a pasa cu e siguiente cambionan:
- Tur curso na publico y compania ta wordo posponi te proximo aviso
- Tur asistencia na actividad publico ta cancel te proximo aviso
- Asamblea General Anual cu ta planea pa awe, diahuebs 19 di maart ta wordo posponi te proximo aviso
- Charity Bazaar ta sera te proximo aviso
- San Nicolas Branch ta sera te proximo aviso
- Cruz Cora Dakota ta sera pa publico, pero ta disponibel
na tel. 582-2219, 560 8359 via Whatsapp y tambe via e-mail: info@redcrossaruba.com
Departamento di Ayudo Social na cel. 568-8896 y socialassistance@redcrossaruba.com
![Cruz Cora Aruba: Activo Dunando Sosten Durante Covid-19 155 Img 20200312 Wa0068](https://www.earubianonews.com/wp-content/uploads/2020/03/IMG-20200312-WA0068-338x600.jpg)
![Cruz Cora Aruba: Activo Dunando Sosten Durante Covid-19 156 Img 20200315 Wa0052](https://www.earubianonews.com/wp-content/uploads/2020/03/IMG-20200315-WA0052-450x600.jpg)