Desde cu pandemia a bati na porta di Aruba Cruz Cora Aruba tabata pendiente y a duna colaborashon pa 12 luna unda cu a duna assistencia di 2700 persona cu un voucher cu por a cumpra cuminda na varios di e supermercadonan na Aruba, manera super Diot Center . Superfood, Cheng’s, Save more, Always at your service , ingh & Sons food market ,MN supermarket & carniseria, Hong Kong Supermarket na paradera , Calidad Supermarket & carniserio y Flatstone Supermarket .
Pa un temporada largo Cruz Cora a traha conhuntamente cu e supermercadonan aki cu a duna nan colaboracion pa por traha cu Cruz Cora y asina brinda e servicio pa esnan cu a haya nan den e situacion di COVID y cu no tabata por tin cuminda pa nan por tin cuminda na mesa y por pasa dor di e situacion di pandemia cu Aruba a haya su mes ta confronta cu ne.
Tambe Cruz Cora no solamente a duna voucher , pero a percura pa 90000 cuminda cayente pa esnan cu tabatatin mester un cuminda cayenta na nan mesa pa por duna nan yiu nan. Tur esaki Cruz Cora a duna durante 12 luna di assistencia, y manera nan ta bisa no ta tur cos ta pa semper e ora a yega cu Cruz Cora su yudansa a caba e yudansa aki no lo ta popsibel mas bao di Cruz Cora.
Sinembargo ainda Aruba ta den e proseso pa reactiva economia y cu ta pone cu ainda tin hopi hende cu no tin trabao , esaki ta pone cu awo cu cruz cora su colaboracion a caba gobierno lo pasa over pa un otro sistema cu ta gobierno di Aruba ta esun cu lo para garantia pa e grupo di personanan cu ta haya e yudansa pa cuminda.
