Un di e promesa nan di mas bunita cu Cristo Hesus a duna nos ta para scirbi ta Juan 14:1-4 bisando:
No laga boso curason bira intrankil: kere den Dios, kere tambe den Mi. Den cas di Mi Tata tin hopi
luga di biba, si no tabata asina, lo Mi a bisa boso,pasobra mi ta bay pa prepara un lugar pa boso. Y ora
Mi bay y prepara un lugar pa boso, lo Mi bin atrobe y ricibi boso serca Mi, pa caminda Ami ta, boso
tambe por ta. Y boso sa unda Mi ta bay,y e caminda boso ta.
E manera cu mundo ta birando, criminalidad, inmoralidad, gera y terorismo cu ta creciendo tur dia, ta
haci hende intrankil, pasobra esun cu no ta kere den Cristo no tin e speransa di bay cune, na e
momento cu E presenta riba e mundo, ta pesey tambe Señor ta spierta tur hende den Lucas 21:34
bisando:
Tene cuidao pa boso curason no ta carga pa causa di paranda,y buracheria, y e preocupacion di bida, y
e dia ey no bin diripiente,riba boso manera un trampa: pasobra e lo bini riba tur esnan cu ta biba riba
superficie di mundo.
Ma sea alerta tur ora bay, haciendo oracion pa boso por tin, forsa pa scapa di tur e cosnan aki, cu ta
bay tuma lugar,y para dilanti di e Yiu di Hende.
Awor tur hende por mira cu mas claridad locual Dios a priminti den Juan 3:16, pero ya caba nos a
cuminsa sinti e efecto di Juan 3:36.
Pesey nos Dios bondadoso a laga e promesa grandi pa nos bisando: Pesey si un hende ta den Cristo , ta
un criatura nobo e ta : e cosnan bieu a pasa caba: ata: tur cos a bira nobo.( 2 Corintionan 5:17).
Y Dios ta bolbe comfirma esey na nos den Romanonan 8:1-4 bisando: Cu no tin condenacion pa esnan
cu ta den Cristo Hesus.
Ken lo por separa nos for di e amor di Cristo, tribulacion, angustia,persecucion,hamber, sunu, peliger
of spada? Ma den tur e cosnan aki nos ta mas cu vencedor door di Esun cu a stima nos.
Pasobra mi ta convensi cu ni morto,ni bida, ni angelnan, ni principadonan, ni cosnan presente,ni
consanan futuro, ni podernan,ni haltura, ni profundidad, ni ningun otro cos crea,lo por separa nos for
di e amor di Dios,cu ta den Cristo Hesus nos Señor.( Romanonan 8:35-39).
Hesus a contesta y a bise: Si un hende ta stima Mi , elo warda mi palabra, y Mi Tata lo stime,y Nos lo
bin serca dje,y biba serca dje. Esun cu ta stima Mi ta warda Mi palabranan,, y e palabra cu boso ta
tende no ta di Mi, ma di e Tata cu a manda Mi.( Juan 15:23-24).
Ami ta e pan di bida,esun cu bini serca Mi lo no haña hamber, y esun cu kere den Mi lo no haña set
nunca.( Juan 6:35).
Tur e promesanan aki ta pone nos realisa cu un bida sin Cristo ta un bida bashi y sin ningun clase di
speransa.
Tambe cu nos mester hiba un bida di oracion constantemente, pa asina nos por para firme den e dianan
nan trabahoso aki
Maldad y Malisia ta wordo mira tur caminda , pasobra e mundo a bira manera ta para scirbi den
Genesis 6:5.
E keda nos na pidi Señor su misericordia riba henter nos comunidad, y tambe pa tur hende por arepenti
y biba pa Señor, pasobra esey ta e unico speransa cu hende por tin, paobra di berdad e dianan ta malo.
Sinceramente, Pastor Marcel Balootje.