Nos ta den e temporada di fin di aña. Ta un custumber y tradicion cu
nos pueblo di Aruba mester tin un plato crioyo cu ta tipifica e diferente plato nan
Arubiano riba mesa. Un sopi of stoba di Cabrito of Carne no por falta riba mesa. Pa e
motibo aki, cu Santa Rosa semper ta stimula tur Criador nan di bestia local, pa nan
percura pa nan bestianan semper ta bon cuida pa asina no tin problema na
momento di wordo gekeur na Abbatoir. Manera semper den e temporada di fin di
aña hopi ta esnan cu ta busca pa cumpra carni of Pisca. Pa motibo cu esaki ta e
temporada caminda cu carni fresco ta mas solicita, Departamento di Agricultura, Cria
y Pesca ta concientisa no solamente e criado pa asegura cu nan producto ta di
calidad pero tambe ta importante pa e consumidor nan tene bon na cuenta e
rekesitonan di control cu mester tene cuenta cu ne. E demanda grandi cu e carni
bestia chikito tin den e temporada aki ta hasi cu por tin esnan cu lo opta pa sacrifica
na nan cunucu sin tin e control debido di parti di DVG cual ta prohibi. Departamento
di Agricultura, Cria y Pesca ta hasi un apelacion na tur criado di bestia, pa asegura cu
nan hasi nan cita na tempo via Abbatoir y pa na momento di bende nan producto
nan, pa nan por tin muestra di goedkeuring cu ta ser duna na Abbatoir. E maneho di
DVG ta stipula cu tur criado di bestia, sea Cabrito of Carne y/of Porco y te hasta Baca,
mester wordo gekeur prome cu esaki wordo bendi pa consumo.
Tur bestia pa consumo mester wordo sacrifica y controla door di e profecionalnan di
Abattoir. E Keurmeesternan ta controla tur organo di e bestia prome cu e haya su
stempel oficial di Gobierno. Na momento cu e keurmeesternan di Abattoir tuma
nota cu algo no ta bon e cu bestia, esaki ta wordo tuma den beslag y ta deshasi di
esaki. Tur criado di bestia mester yama servicio di Veterinario, Abattoir na telefoon
522-4310 pa hasi un cita adelanta y alavez resgistra cuanto bestia lo mester wordo
sacrifica pa asina tur cos bay di acuerdo cu regla. Corda cu tin regla y protocolnan di
COVID-19 stipula cu cada criado mester tene na cuenta.
E siguiente apelacion ta bai na tur consumidor na momento di busca carni di bestia
local pa cumpra. Na momento di cumpra carni, semper opta pa cumra serca criador
nan cu abo sa cu su bestianan ta wordo mata na Abattoir y cu por mustra nan carchi
di goedkeuring. Tuma nota tambe na momento di cumpra parti di e bestia, pa hasi
un control pa verifica si bo ta mira cu e carni fresco na e momento ey tin e stempel di
Gobierno ariba dje. Esey ta nifica cu ela wordo gekeur pa e Kuermeesternan di
abattoir. No lubida cu matamento di bestia na cas of cualkier otoro caminda cu no ta
na Abattoir ta contra ley e tin sancion pa esaki.
