E muchanan ta cu vakantie y buki di pret ta un guia pa nan y nan mayornan den e temporada aki. Awe den oranan di mainta trempan muchanan y mayornan cu ta interesa a hiba nan yiunan corte pa asina nan conoce kico tur ta e trabou den corte y tambe con e caso nan den corte ta tuma luga. Tabata un mainta cu yen di pregunta
Kiziah Toppenber Medewerker ondersteuning na Corte ta esun cu a keda encarga pa prepara e mainta aki pa e muchanan. Esaki ta di tres aña cu Corte ta forma parti di e proyecto di Buki di Pret y tur aña ta trata di haci algo educativo pa e muchanan. Aña pasa e topico tabata anti bullying y e aña aki a focus riba coremento di auto y ta menor di edad y uzo di droga.
E muchanan por a experencia un caso cu corte mes a hinca den otro y despues e muchanan mes por a inventa nan caso. Den e caso aki e muchanan a inventa un caso di droga tambe y despues di esaki e muchanan a haya oportunidad di haya un presentacion di KPA cu a bin cu nan cachonan y duna un presentacion di kico ta pasa ora un verdachte lanta den corte. E mainta tabata hopi educativo pa e muchanan y nan tabata hopi atento tambe, mirando tur e preguntanan interesante cu nan a haci na e Huesnan tambe.
