Parlamentario Endy Croes ta felicita Minister Xiomara Maduro cu un logro importante siman pasa. Desde algun tempo Parlamentario Endy Croes mes tabata vocifera den prensa con hopi Red Tapes y burocracia ta tranca y stroba nos economia. Nos por ta contento awor cu e promer stap a wordo logra alrespecto kitando red tapes.
/// Awor por solicita pa permiso pa negoshi online:
Siman pasa Departamento Economico den presencia di Minister Xiomara Maduro a lansa oficialmente su projecto digital cual ta hasi posibel awor cu un comerciante kende mester solicita pa un permiso pa negoshi “vestigingsvergunning” of hasi cambio den un permiso exsistente por hasi esaki online esta digital mediante “e-forms” cual awor ta posibel. Esaki sigur ta un paso grandi hasiendo uso di technologia y innovacion. Asina paramento den rij of core bay Departamento Economico of jama pa hasi afspraak ta pasa pa pasando. Anywhere sinta den bo oficina of na Bo cas Bo por hasi solicitud pa e servicio aki. Departamenmto Economico hunto cu Futura kendenan tambe a duna sosten na e projecto aki a logra un paso grandi facilitando comercio cu un servicio digital transferiendo un systema anticua pa un systema moderno. Parlamentario Endy Croes ta termina felicitando Minister di Finansas, Departamento Economico, gobierno pero sigur henter pueblo di Aruba kendenan lo benificia finalmente di esaki. Awor cu esaki a bira digital y e proceso lo bay cana mucho mas agil y rapido esaki lo contruibi na spin off nos economia. Red Tapes ta forma parti di e acuerdo di gobernacion y ta muestra cu gobierno ta trahando pa mehora nos servicionana atravez di innovacion y digitalisacion. Pabien Aruba!
