Corsou : Organisacion di Servicio Comparti (SSO) lo posishona 6 facilidad

Departamento pa Servicionan Comparti ta posishona 6 facilidad cu ta na disposicion di y cu ta sostene e nuebe (9) Ministerionan di Gobierno di Corsou. Ta trata di e siguiente facilidadnan:  Administracion Financiero, Administracion di Personal, Maneho di Documento,· Compra centralisa,· Asuntonan di Facilidad y Teknologia di Informacion y Comunicacion. Lo hisa calidad  di e servicionan cu “Shared Services  Organisatie” tin cu brinda  na e otro ministerionan

Areanan di enfoke:

• Enfoca riba Compra centralisa via di SSO. Pa esey lo mester fortifica e departamento aki y laga nan haci compra di productonan cu tur ministerio ta uza di un manera centralisa. Por ehempel“ICT devices”, “software”, papel, aparatonan pa copia,mobilario, productonan di higiena, cosnan di skirbi manera pen, potlood etc. Lo por spaar hopi cen si haci compra na bulto enbes di cada ministerio haci esaki riba su mes. E preis pa produkto por baha dor ku bo ta negoshá un kantidat grandi. Meskos ta conta tambe pa ora ta bay destaho publico pa servicionan cu gobierno mester cumpra afo manera internet, servicio di telefon, vigilancia, limpiesa, etc

• Evalua e tareanan principal y procesonan cu ta pertenece na S.S.O. pa e por ehecuta su servicionan mas eficiente y efectivo
• Percura pa E rol di facilitado keda cerca SSO
• Analisa costo y beneficio pa trece claridad den gastonan di gobierno

 

Publieke zaken/vergunningenloket

Departamento di Asunto Publico ta registra sucesonan di bida (nacemento, fayecimento, matrimonio, divorcio, reconocimento) den registronan civil y for di e registronan civil- y e administracion basico di dato personal nan por suministra copia, extracto y declaracion. Banda di esey Departamento di Asunto Publico ta e departamento encarga cu suministracion di paspoort, cedula y rijbewijs na Corsou.

(Publieke Dienstverlening waaronder het bevolkingsregister, afgifte rijbewijzen, identiteitsbewijzen en vergunningenloket.)

Areanan di enfoke:

Mehora e  accesibilidad na servicio publico cu ayudo di ICT y evalua accesibilidad y continuidad. Esaki pa  optimalisa e servicio di cliente (klantvriendelijkheid,klantgerichtheid& klanttevredenheid), tanto na nivel interno como externo

• Garantisa tur hende tin drechi di acceso na informacion y servicio, incluso esunnan cu tin un of otro limitacion
• Tene cuenta cu e experencia di cliente pa cu e servicionan duna dor di gobierno cu e meta pa sigui mehora y optimalisa esaki.

Pa esaki nos ta crea y implementa norma di maneho  y instrumentonan pa monitoria, pa midi regularmente e calidad y nivel di servicio publico y ehecuta investigacionnan cu ta midi satisfaccion di e cliente (klantte vreden heidsmetingen) tambe.

 

V Centraal buro voor de statistiek (cbs)

Oficina Central di Statistik Corsou ta e instancia oficial y autorisa. cu ta colecta, analisa y publica informacion relevante riba e terenonan demografico, social y economico di Corsou (Publiceren van betrouwbare statistische gegevens en het objectief vaststellen van een aantal parameters voor gebruik in planningen en prognoses;)

Area di enfoke

• Sigui cu e trayecto di independisacion CBS; un organo independiente pa yuda cu iniciativanan di maneho, tambe pa locual ta trata finansa y personal pero dunando cuenta y rason na Gobierno pa su maneho di personal I su finansa.
• Bini cu un “update” di estudio pa sigui desaroya empleado na  CBS  dor di introduci entre otro  educacion permanente y tambe “peer reviews” pa tene e empleado skerpi conforme palabracionnan cu lo haci cu Gobierno.
• Garantisa cu censo 2022 lo por sigui, dentro di e cuadronan presupuestario

 

 

VI Central historisch archief (Archivo Sentral Históriko)

Di acuerdo cu e “archieflandsverordening” e tarea di Central Historisch Archief ta pa tin un tarea importante denter di e provision publico di informacion dor di ta e stacion final den e siclo di archivonan di gobierno. Ta p’esei ta importante pa modernisa, drecha y optimalisa e luga central pa warda documentonan historico y di archivo dinamico (dynamisch archief).

Area di enfoke:

• Reduci gasto di warda/deposita documento dor di sanea e archivo dinamico di e ministerionan

• Implementa “e-depot” na Archivo Nacional cu su cursonan online pa e trahadonan garantisa e acceso pa yega na tur archivo di ciudadano y nan descendiente legal

 

VII College bescherming persoonsgegevens

Di acuerdo cu “Landsverordening bescherming persoonsgegevens en College Bescherming Persoonsgegevens”mester garantisa e privacidad di e datonan personal di e ciudadano, cu dor di introduccion di “E-government”, stencil di registracion basico y digitalisacion lo por ta na peliger.

E “College bescherming persoonsgegevens” tin e tarea pa garantisa cu e procesamento di datonan personal di e ciudadano ta sosode di e manera stipula legalmente. Tambe e mester supervisa si e procesamento di datonan personal denter di Reino ta sosode conforme leinan di otro pais den Reino Hulandes.

Area di enfoke:

• Finalisa implementacion di “College Bescherming Persoonsgegevens”

Recluta e persona cualifica pa haci esaki posibel.