Awe 10 di October Corsou ta recorda y celebra e momento historico 10-10-10 cu a cambia forma di Corsou, marcando un era nobo di union y orguyo pa e Pais y e cuidadanonan cu ta biba na Corsou. Laga nos honra nos isla su cultura vibrante, su historia rico y su hendenan bunita. Sea bo ta bula ku nos òf ta disfrutá di e bunitesa di e isla, awe ta trata di selebrá Kòrsou!
Curaçao, ofishalmente e pais di Curaçao ta un isla di Antillas den laman Karibense, spesialmente e region Karibense Hulandes, mas o ménos 65 km nort di Venezuela. E ta un pais ku ta forma parti di Reino Hulandes.
Curaçao ta inclui e isla principal di Curaçao e isla hopi mas chikito, no habita di Klein Curaçao .Curaçao tin un poblashon di 158,665 hende ta biba riba e isla,cu un area di 444 km2 ,su capital ta Willemstad. Hunto cu Aruba y Bonaire, Corsou ta forma e islanan ABC den Caribe. Curaçao, Aruba y otro islanan Hulandes den Caribe hopi biaha ta ser yama Caribe Hulandes. E ta e isla mas grandi di e ABC den area y poblacion, y tambe e isla mas grandi den Caribe Hulandes.
E nomber “Curaçao” por ta origina for di e autonomia indigena di su hendenan, e idea aki ta haña su sosten den e prome relato Spaño cu ta referi na e habitantenan como Indios Curaçaos. E historia di Corsou ta cuminsa cu e indianan Arawak y Caquetio, e isla a bira un colonia Spaño despues di e expedicion di Alonso de Ojeda na 1499. Aunke e isla tabata wordo yamá “e isla inútil” pa motibo di su produccion di agricultura pober y falta di metalnan precioso, el a bira un area strategico pa rancho di bestia. Ora Hulanda a colonisa e isla na 1634, nan a pone e isla den centro di comercio y transporte, y despues a haci di e isla un centro di comercio di catibo na Atlantico. Miembronan di e comunidad Hudiu, cu a huy for di persecucion na Europa, a keda biba na Corsou a influencia e economia y cultura di manera significante.
Forsa Britanico a ocupa Curaçao dos biaha durante e Gueranan Revolucionario Franses y Napoleóniko, pero e isla a bolbe keda bou di dominio Hulandes. E abolicion di sclavitud na 1863 a conduci na cambionan economico y migracion. Hulandes ta keda e idioma oficial, aunke Papiamento, Ingles y Spaño ta ser papia amplio, cu ta refleha e diferente influencianan cultural di e isla. Curaçao tabata forma parti di e colonia Curaçao y Dependensianan for di 1815 te 1954 y despues e Antianan Hulandes for di 1954 te 2010, como Teritorio Insular di Curaçao.
E descubrimento di petroleo den Maracaibo Basin na 1914 a transforma Curaçao den un luga di refineria crucial, cambiando su paisahe economico. A haci esfuerso pa bira un pais den Reino Hulandes e isla a logra autonomia na 2010. 10-10-10
