ORANJESTAD,Aruba
Conferencia Permanente de Partidos Políticos de América Latina y el Caribe”, integra pa mas di 60 partido di 29 pais, a condena den forma contundente e violacion di derechonan humano di Reino (Hulanda) riba e paisnan Aruba, Corsou y Sint Maarten, y na mesun momento a exigi Alto Comisionada di Derechonan Humano Michelle Bachelet manda un mision special pa documenta para e abusonan grave di derechonan fundamental di e ciudadanonan di e tres paisnan aki, cu e Hulandesnan cu ta comete.
Alejandro Moreno Cárdenas, presidente di COPPPAL, a bisa cu, ademas di e abusonan na e derechonan fundamental di e ciudadanonan di e tres paisnan aki, ta bini e serie di chantahe di Hulanda riba Aruba, Corsou y Sint Maarten, pa entrega ayudo cu ta permiti nan enfrenta e pandemia di Covid-19 y suavisa e dañonan na e economia, a cambio di un participacion mas grandi den e asuntonan di Gobierno di e tres islanan.
El a manifesta cu COPPPAL ta rechasa tur forma di colonialismo den Latino America y Caribe. “Den pleno siglo XXI, cualkier tipo di colonialismo, ta un berguensa pa humanidad, specialimente pa e region aki, pa cual nan ta rechasa e intentonan nobo di Hulanda pa bolbe na e forma antiguo di dominio.”
El a recorda e Declaracion di Nacionnan Uni cu a demanda eradicacion di colonialismo den planeta cu a cumpli 60 aña den 2020 y “Puerto Rico, Aruba, Corsou, Boneiro, Las Malvinas, no obstante nan lucha largo, no tin derecho completo pa nan liber autodeterminacion, principionan basico di e derecho internacional.
Di su banda Eerste y Tweede Kamer di Comision Descolonisacion di COPPPAL, a señala cu e yegada di coronavirus, e Organisacion Mundial di Turismo, a haci un calculo pronostica cu Aruba lo perde 80% di su unico pilar economico cu ta turismo, y pa evita colapso di e economianan, Aruba, Corsou y Sint Maarten, islanan cu hunto cu Hulanda ta forma Reino Hulandes, a pidi Hulanda e mesun trato cu Hulanda a otorga na Italia y Spaña, paisnan cu nan a presta miles di miyones di euro sin condicion algun pa combati COVID1-9 y pa evita colapso di su economianan, pero e peticion a wordo rechasa y solamente nan a bay di acuerdo pa otorga e islanan, prestamonan na cero porciento di interes pero cu condicionnan y exigencianan dificil pa cumpli cu nan.
COPPPAL a bisa cu e carta di 6 di juli unda Hulanda ta bay di acuerdo cu otro prestamo bou condicion cu Aruba mester acepta un sueprvision total di parti di Hulanda, den practica ta resulta den un reconolisacion y un final di autonomia di Aruba den Reino Hulandes. Esaki ta bay contra e Resolucion 1514 di Asamblea General di Nacionnan Uni di 1960.
