Benito Dirksz lider di fraccion di UBP na Boneiro tabata presente den reunion di commision den Passangran cu a trata e topico di IT y situacion di edificio di Passangran. Actualmente e IT ta funciona pa OLB y bestuurscolege. Na e momentonan aki bestuurscolege ta kere cu nan mester cuminsa bay riba nan mes y separa e trabaonan y e concesion tambe cu OLB.
Lider di fraccion di UPB Benito Dirks ta duna di conoce cu contratista cu a haya trabao pa drecha Passangran no a keda cla cu e trabao, pero no lo bay keda cla cu e trabao tampoco. Te na e momentonan aki Bestuurscollege no sa dicon y ni kico por a pasa cu e contratista no a cumpli cu su debernan , pero na mes momento kier sa si ya caba a paga e contratista y kico ta e contracto cu tin. Esaki ta puntonan di discusion cu tin den comision pa asina por manda yama e diputado concerni pa informa bestuurscollege riba e parti aki mirando cu ta papia di placa di pueblo Boneriano cu ta paga contratistanan pa cumpli cu e trabaonan riba edificio di Passangran.
Banda di esaki tin diferente pensamentonan pa traha un edificio central pa departamentonan di gobienro y Bestuurscollege , pero ningun di e miembronan di Bestuurscollege tan a altura di e pasonan di e vision aki, segun Liser di UPB Benito Dirksz.
