Consul di republica Dominicana Sr. Pedro Ventura tabata na Aruba y e la haci diferente bishita na Aruba. Un di e bishitanan cu a hala hopi atencion ta e bishita na KIA . Na salida di KIA por a combersa cu e consul unda cu e ta duna di conoce cu e la bin haci bishita na e presonan Dominicano cu ta sera na Aruba.
Segun Ventura esaki ta un trabao cu tur consul mester haci. Alabes ta felicita director di KIA y tur e personal di KIA riba nan trabao y tambe e modelo di prizon cu Aruba tin por ta un modelo como ehempel pa hopi pais. Por a mira e trabaonan, e limpi cu e prizon ta y bon cuminda.
Segun e consul di su bishita e la come e mes un cuminsa cu e clientenan di prizon a come. Loke cu tambe a hala e consul su atencion ta cu den prizon no ta yama e prizioneronan di e manera aki, pero ta yama nan cliente, esaki ta mira tambe e desencia y e respet cu tin di no yamanan prizionero, pero cliente.
Di e manera aki e ta felicita henter e team y tambe director di KIA riba e maneho cu tin na KIA. E consul a bin specialmente pa por a papia cu tur e presonan di nacionalidad Dominicano, segun cu e la espresa cu nan ta trankil, no a viola nan derechonan, nan ta haya bon cuminda y bon atencion.
E consul a keda sorprensi mirando cu hasta psicologo nan tin pa papia cu nan pa nan traha riba e eror cu nan a comete. Importante ta cu nan ta trata e problemanan cu clientenan di KIA tin, esey ta importante. E idea tambe ta pa a invita e gerencia di KIA y Guarda nos Costa pa Santo Domingo.
E idea tras di esaki ta pa e directornan di ambos pais tin un conexcion cu otro, a logra esaki caba cu director di Guarda nos Costa, awor ta trata pa por logra keda cu bon contacto tambe cu e director di KIA pa asina tin un contacto cu e grupo di directornan di prizon di latinio Americano.
Di e manera aki por traha hunto y yuda otro den situacionnan cu ta presenta. Na Santo Domingo ta un deber di cada consul anualmente bishita cada persona cu a kita su liberdad pa cualkier situacion cu e la haci contra di ley, esaki ta algo cu e consul di Santo Domingo ta haci y e ta un parti di su trabao cu e ta haci manera mester ta, pero mas tanto esaki ta mane un deber pa bin y puntra con nan situacion ta.
Segun Consul di republica Dominicana Sr. Pedro Ventura tin algun cu ta casi pa sali unda cu ya caba nan a sinta pa nan castigo, pero tambe tin otronan cu a comete erornan grave cu lo mester keda mas largo. E consul tabata hopi duidelijk cu su deber ta pa traha pa e dominicanonan y como consul cu ta representante di Santo Domingo esaki ta parti di su trabao y e ta cumpliendo cu ne. Tambe importante ta pa traha lasonan cu e directornan y cu cualkier situacion presenta por traha hunto den futuro.
