Recientemente Conseho Insular a organisa un encuentro informal cu miembronan di Conseho Insular di Sint-Eustatius i Saba, cu e meta pa estrecha e lasonan cu e coleganan di e dos islanan di Isla Riba. Ambos delegacion cu a biaha pa Boneiro relaciona ku celebracion di Dia di Boneiro, tabata invitado tambe pa e reunion solem na Passangrahan.
Durante e encuentro informal a papia tambe tocante diferente topico di interes comun, entre otro cuido di salu i seguro di malesa, coherencia entre e islanan i entre Hulanda Caribense i Hulanda Europeo, e cambionan ku ministerio di Asuntonan Interno i Relacionnan den Reino (BZK) a propone unilateralmente den WolBES i FinBES i e cambionan propone den e sistema di impuesto.
E desaroyonan recien aki i e preocupacionnan na tur e tres islanan a duna un impulso nobo na e idea pa fortifica e colaboracion mutuo i crea un plataforma permanente caminda conseho insular di e tres islanan por topa cu otro, delibera, atende cu problemanan comun i forma solucionnan i opinionnan comun na un manera regular i structural.
