Aruba ta den ambiente di Carnaval, Pasco pero tambe politico. Awe Conseho Electoral a haci lot pa e lider nan di partido tuma number y nan color cu nan lo campaña cu ne. Sinembargo loke por a mira den henter e lista colornan ta colornan mes un cos pero solamente e distincion ta mas scur y mas cla, esaki por trece confusion? Si claramente e por trece confusion principalmente pa nos adultonan mayor y tambe personanan cu tin daltonismo na Aruba.
Sinembargo mester bisa cu e number nan di partido cu tin e colornan blauw ta hopi leu di otro esta number 1 blauw licht y number 9 blauw scur, tambe e magenta y e licht blauw ta parce otro , pero na mes momento ta leu di otro esta number 6 pa Magenta y nimber 4 pa Roos cla.
E problema principal ta cu partido PPA ta number 2 cu color oranje y partido RAIZ ta number 3 cu color oranje licht cu ta banda di otro y si mira e otro colornan cu ta parecido na otro tog nan ta leu di otro y no banda di otro, un punto cu conseho electoral por tene cuenta cu ne. Esaki por bruha tur hende adulto , hoben y adulto mayor , pero prinsipalmente esnan cu ta sufri di daltonismo.
Partido PPA tin e color ORANJE 75 aña caba,pero manera semper partido RAIZ nunca no sa kico e ta y ken nan ta realmente, unda cu den prome eleccionnan e ta shinishi, nan a campaña cu agua blue den tur bario y awo a pidi color licht oranje pa bay riba e lista di votacion oranje.
E pensamento y maldad di partido RAIZ ta ilustra tur caminda, of kisas e miedo tambe pa bruha hende riba e color y kier horta voto di PPA tambe kisas por ta un meta. Sinembargo den tur e aspecto aki e malicia di partido RAIZ con nan a disolve parlamento, disolve gobierno ainda ta manda nan energia di maldad di no uza nan color normal di semper, ni tampoco e color cu nan a campaña cu ne, pero manera e partido ta bin ta haci kibra tur regla y moralidad di principio awe un biaha mas ta mustra e maldad y e cara real di partido Raiz cu nan peticion pa oranjes licht pa ta similar cu partido PPA y asina partido RAIZ ta mustra nan miedo pa cu e eleccion 2024.
Ta spera cu Conseho Electoral tene cuenta cu e dos colornan oranje principalmente paso nan ta banda di otro.
1-MAS Licht Blauw
9-Accion 21 Donker Blauw
6-FUTURO Magenta
4-HTC Licht Roos
2- PPA ORANJE
3-RAIZ Licht Oranje
