E situacion entre e adultonan mayor y e hobennan ya caba ta mira un enfrentamento. Segun Presidente di fundacion Alzheimer Aruba tin un guera cu ta andando entre e hobennan y e adultonan mayor.
Antes tabatin e respet pa Oma y Opa, pero awendia e situacion ta diferente unda cu mayoria di nos a adapta y a habri porta pa tur hende pa nan bin traha aki na Aruba y e consecuencia ta cu nos a adapta e cultura enbes cu nos para tras di nos cultura y esunnan cu ta bin di atende nan mes na cultura di Aruba, pero tambe e norma y balornan con nos ta trata nos adultonan mayor.
Enbes di Aruba para pa su identidad, nos mes a permiti locual cu nos ta awe y esaki no por bay bek. Presidente di fundacion Alzheimer Aruba ta duna di conoce cu Aruba ta confrontando hopi problema, pesey mes por mira cu companianan manera AZV, SVB y e maneho di gobierno nan ta bay bira mas preta.
Mester bisa cu ya caba ta mirando e cambionan unda cu prijsnan ta bay subi, e pensionnan ta vries, na Aruba e seguro ta solamente ziektekosten verzekering esey ta pa ora cu bo ta malo y Aruba no tin un ziektezorgverzekering na Aruba.
Pa e motibonan aki mes e cuido pa adulto mayornan cu kier haya cuido nan lo mester bende nan cas y duna e placa na e instancia of percura pa e tiki placa cu nan ta haya na SVB pa pone pa nan cuido, pero esey tambe tin su consecuencia.
Na momento cu un hende ta contribui un 800 florin di SVB tur luna, e instancia mester paga tur clase di gastonan. Esaki ta pone cu e alimento cu nos grandinan ta bay haya nos no por bisa cu e calidad ta un calidad cu nan merece. Na mes momento tur e imigrantenan cu nos mes a habri porta pa nan mayoria di e salario ya bay afo pa cuido di nan adulto mayor na nan pais y hasta ta beeld up nan cas na nan pais y tur esaki Aruba a perde. Cu gobernantenan ta consciente di esaki? Of Aruba ta e paraiso cu tur hende ta bin viola y saca tur beneficio di dje y despues laga e pais y e tristo ta cu nos mes ta permiti esaki.
1 comment
[…] Source link […]