Den parlamento a keda trata un situacion delicado di nos hobenan na Auba. E criminalidad bao di nos hoben nan ta grandi y alarmante. Ta lamenta cu tin un situacion hopi serio y grave bao di nos hoben nan pero cu e reunion no ta keda atendi cu seriedad door di oposicion na momento cu ta trata bienestar di nos mucha nan y hoben nan, Parlamentario Hendrik Tevreden ta duna di conoce.
Sinembargo loke cu solamente a resalta ta e situacion malo cu tin y tambe mal informacion nan cu a keda duna, ley minimo di straf, arma, deprecion, responsabilidad di gobierno, pero no por a scucha cu oposicion kier uni pa trece mehoracion pa nos mucha nan y hoben nan. Tampoco no ta papia cu si a vota pa e Ombudsman ta den constitucion lo tin un solucion pa tur e problema nan cu Aruba ta confrontando bao di nos mucha nan y hoben nan.
Tampoco no ta a scucha den parlamento cu nos mes como Parlamentario mester duna ehempel como Parlamentario di nos mes un accion nan. Cu mester bin un manera sistematico pa atende e problema nan bao di nos mucha nan y hoben nan, mester hancra nan den ley y den un meerjarenplan. Sinembargo realmente no tin boluntad di Parlamentario nan den oposicion pa ta uni den un parlamento pa Aruba su futuro generacion, esey ta di lamenta.
Mi kier a ilustra algo bon cla y a trece como ehempel e cantica di e cantante Tupac “ whats you want do for love “ pero cambiando e cantica un poco debi cu na momento cu a tuma nota di actitud , echo nan y accion nan ta pasa den mi mente “ wak kico oposicion ta haci pa nan bin na poder dus na mando. Nos no por lubida cu 5 di mei 2020 den parlamento mi persona a trece un mocion dilanti hunto cu fraccion di MEP y cu e la keda sostene door di e otro fraccion nan tambe POR y RED e tempo ey , E mocion ta bisa cu e socialcrisis plan e tempo ey cu a keda implementa sigur kier pa e ta efectivo y tambe a bisa cu e socialcrisis plan e tempo ey tin un caracteristica temporal pa e motibo aki a presenta un mocion cu a pidi sala completo e tempo ey pa pidi mas tempo pa sali for di e situacion precario cu Aruba ta aden socialmente.
Basa riba conseho di Raad van Advies e tempo ey pa bin cu un solucion duradero y bin cu un meerjarenplan di 10 aña pa por sigui structura y avansa nos problema nan social na Aruba. Lamentablemente ta bisto kende nan tur a vota voor y tegen e tempo aya caba pa drecha e situacion social na Aruba. Tur esnan cu a vota contra ta Richard Arends (AVP) Jeniffer Arends-Reyes (AVP) , Candelaria (AVP), Arthur Dowers (AVP), Micheal Lampe (AVP) Mike de Meza (AVP ), Marlon Sneek (AVP) Mervin Wyatt Ras (AVP) tur a vota contra pa un miho structura social pa Aruba.
