Lo mi halsa mi wowonan na e seronan , for di unda mi yudansa lo bini? Mi yudansa lo bini for di
Señor kede a traha cielo y tera.( Salmo 121:1-2).
No tin nada mas bunita ora nos confiansa y speransa ta den Dios, pasobra Dios nunca ta laga su yuinan
desampara, Dios no ta cambia palabra, Dios ta firme, fiel y Todopoderoso.
Dios ta nos amparo, y refugio, den tempo bon y den tempo malo, E tey pa nos tur momento.Pa Dios
nada ta imposibel, caminda hende cansa, of hende lubida, Dios tey pa recorda cu E ta Dios.
Grandesa di mundo ta pone hende kere cu nan tin poder, y orguyo ta ciega nan cada dia mas, pero ora
Dios bisa ta basta eynan tur cos a para, pesey nos confiansa mester ta den Dios.
Bendiciona ta e persona cu pone su confiansa den Dios, pasobra e persona ey lo tin victoria den su
bida, pasobra e a pone su confiansa den e Baranca fuerte , e Baranca di Salbacion, cual ta nos Señor
Cristo Hesus.
E persona aki lo no tambalia, pasobra e a deposita su confiansa, den e Rey di Reynan y Señor di
Señornan, esun cu tin poder pa cambia bida di hende, poder pa renobamente di hende, poder pa
restaura bida di hende, poder pa vence tur cos cu ta malo, pasobra nos liberacion ta den nos Señor
Cristo Hesus.
Ma esnan cu spera den riba Señor lo haña forsa renoba, nan lo bula bay ariba cu hala manera
aguila,nan lo core sin bira fatiga, nan lo cana sin cansa.( Isaias 40:31).
No tene miedo pasobra Mi ta cu bo, no desmaya , pasobra Mi ta bo Dios, Lo Mi fortalese bo,si lo Mi
yuda bo, si lo Mi sostene bo cu Mi man drechi di husticia.( Isaias 41:10).
Pasobra ami ta Señor bo Dios, Kende ta bo man drechi, Kende ta bisa bo: No tene miedo lo Mi yuda
bo.( Isaias 41:13).
Lo bo warda den pas perfecto, esun cu su pensamento, ta permanece den Bo,pasobra e ta confia den
Bo.Confia den Señor pa semper,pasobra den Dios e Señor tin un baranca eterno.( Isaias 26:3-4).
Ta nos confiansa den Dios ta trece goso den nos curason, y ta bergonsa tur esnan cu ta kere den nan
propio forsa y poder, esnan cu ta haci bofon di Dios, y falta temor di Dios, pasobra nan a lubida cu tur
locual hende sembra nan lo cosecha sea bon of malo.
Esnan cu tin confiansa den Señor ta drumi trankil anochi, mientras esnan cu ta pone nan confainsa den
hende y cosnan terenal,ta pasa dificultad pa sera wowo.
Si Señor no traha e cas, ta envano esnan cu ta trahe, ta traha y cansa curpa, si Señor no warda e stad,ta
envano e gaurdia ta keda lanta.
Lo no sirbibo di nada pa lanta tempran pa keda lanta te laat pa come pan di amargura,pasobra ta E ta
provee pa Su stima den su soño.( Salmo 127:1-2).
Esnan cu ta spera den Señor lo drumi anochi y lanta mainta ricibi bendicion di Dios, pasobra nan no ta
envidia, ni keha, ni murmura, pasobra nan tin seguridad den Dios.
Speransa den Señor ta libra hende di depresion, pasobra no laga nos lubida riba locual Señor Cristo
Hesus a bisa: Bin serca Mi tur cu ta cansa y carga y lo Mi duna boso sosiego.( Mateo 11:28).
Speransa no ta desapunta,pasobra e amor di Dios a wordo drama den nos curason, door di Spirito
Santo, Kende a wordo duna na nos.( Romanonan 5:5).
Sinceramente, Pastor Marcel Balootje.