Dia 16 di juni 2024 ta un dia special pa e ciudadanonan di India cu rond mundo nan ta celebra “Chabeel day” . Esaki ta significa un dia di memoria cu ta un dia di Sikh history cu ta un religion cu e Guru cu ta yama Guru Arjun Dev ji cu a sacrifica su mes pa scapa otro hende.
Segun Aruna Singh esaki a sosode decenas di añanan atras, esaki ta un religion di India, Na India tin diferente profetanan (Guru) manera e ta ser yama na India y e basico di esaki ta cu e ciudadanonan di India mester yuda hende sin busca algo bek. Pesey awe cu ta un di e dianan di mas calor na mundo ta duna bek na comunidad.
Netamente e Guru Arjun Dev ji tabata un persona cu a sacrifica su mes den azeta cayente, di e manera aki e la keda tormenta pa scapa bida di otro hende. Mirando esaki debi tambe cu ta e dia di mas calor na mundo ta scoge pa parti bebida pa tur hende cu ta pasa riba e caminda principal dilanti di bestuurskantoor ta haya un bebida gratis.
Di e manera aki e comunidad di India na Aruba ta duna bek na comunidad di Aruba y ta parti bebida henter mainta completamente gratis. Chabeel Day ta keda organisa ya caba na Aruba pa 6 aña consecutivo y cada 16 di juni ta reparti bebida completamente gratis. E actividad aki no ta keda celebra solamente na Aruba pero rond mundo unda cu tin ciudadanonan di India cu ta biba na Aruba ta duna bek na comunidad di Aruba y di e manera aki ta recorda e esfuerso di Guru Arjun Dev ji cu a sacrifica su mes pa a scapa un cantidad di persona na India.
