Riba diasabra, 14 di december 2024, Rotary Club Aruba a sigui cu su tradicion di organisa e lunch
anual di Pasco pa e clientenan di Sonrisa. E celebracion di Pasco di e aña aki tabata tin un nificacion
special. Ya cu pa 10 aña caba cu Rotary Club Aruba ta partner cu Sonrisa pa trece e lunch aki cu un
ambiente ameno pa su clientenan.
E evento a tuma lugar na e Centro di Sonrisa, cu tabata bunita decora pa e dianan di fiesta pa duna e
toke pa e celebracion. Miembronan di Rotary y personal di Sonrisa a yama clientenan bon biní cu
brasa habrí, sigurando cu nan a sinti e calor i alegria di e temporada di Pasco.
A sirbi un dushi lunch, prepará cu amor y atencion, hasiendo sigur cu tur hende tabatin un momentu
pa disfruta di un cuminda festivo den gran compania. E celebracion a culmina cu musica anima di
aguinaldo “Flor di Pasco”, kende a agrega un ambiente vibrante di alegria di Pasco. Clientenan y
boluntarionan a canta y baila riba melodianan tradicional, creando un esfera di alegria y union.
Reflexionando riba un decada di e tradicion aki, Rotary Club Aruba ta increiblemente orguyoso di e
laso duradero forma cu e comunidad di Sonrisa. Loke a cuminsa como un solo acto di bondad a
crese bira un evento importante, profundamente ancra den amor, cuido, y compromiso pa inclusion.
Rotary Club Aruba ta extende gratitud sincero na Sonrisa, e personal dedica, boluntarionan, y
sostenedornan cu aña tras aña a contribui na e exito di e evento aki. Un danki special na nos fiel
caterer, “Taste Buds Cafe”, kende for di inicio a forma parti di e evento aki. Hunto, nos ta sigui biba e
lema di Rotary, “Service Above Self,” sigurando cu cada miembro di nos comunidad ta sinti’e inclui y
balora specialmente durante e temporado aki.
Segun nos ta celebra e logro di 10 aña aki, nos ta wordo recorda di e poder di consistencia y e balor
di conecion humano. E lunch di Pasco na Sonrisa no ta djies un cuminda, e t aun celebracion di bida,
inclusion y e goso di por duna bek.
Di e manera aki Rotary Club Aruba kier a duna danki di curason na tur su miembronan,
colaboradonan, companianan y e comunidad henter di Aruba cu ta kere den nos causa. Nos ta desea
tur hende un feliz dianan di fiesta y un prospero aña nobo. Nos ta spera di por sigui duna bek na nos
comunidad den aña 2025.
