Siman pasa Rangers di Curaçao Rif Mangrove Park di Carmabi a bishita Mangrove Park. Nos a bay na algun sitio pa planta den e parti sur-wes y nan tambe a uni nan mes na e trabou regular, manera habri canalnan y planta mangrove cora y preto den nos nursery. E Rif Mangrove Park na Curaçao ta masha nobo. E ta resultado di un operacion di restauracion enorme, ya cu e mangrovenan den e area ey, casi den centro di Willemstad, tabata den un forma hopi malo. Tur sitio ta diferente, p’esei mes di cada uno tambe ta siña di nan. E parke na Curaçao por ehempel mester atende cu calamidadnan cu e sistema di awa. Esaki tin un impacto serio riba e calidad di awa, y sigur mester tene cuenta cu esey.
