Presidente di Comerciantenan Uni Aruba CUA Frans Ponson a yama un conferencia di prensa na unda cu a trece padilanti un preocupacion y kier a informa tur comerciante. CUA ta kere cu hopi comerciante na Aruba no ta na altura di un gasto cu tin extra riba tur e gastonan cu tin caba. Sinembargo loke cu mester ta consciente di dje ta kico ta bay ta e consecuencia pa e pueblo. Nos tur na Aruba conoce loke ta un Gredit y Debit card, antes Aruba tabata maneha hopi placa cash y segun Presidente di Comerciantenan Uni Aruba CUA Frans Ponson gobiernonan a pusha e pueblo di Aruba semper pa bay den direccion pa traha cu carchi y trata di kita e cash pa tin mas control y a bin cu un debit card cu e pueblo di Aruba no tin yun gasto y e comerciante tin un gasto chikito. Sinembargo internacionalmente situacionnan a cambia unda cu Master Card a cumpra Maestro sake for di mercado. Na e momentonan aki manera nos na Aruba conoce Visa ta bay tin dos plataforma cu ta bay paga cu e carchi debit cu ta e maestro cu nos conoce cu ta e Maestro di debit card of debit di Visa. Debi cu e companianan aki internacional cu ta maneha Debit card di pueblo di Aruba tambe, e cambio internacional ta haci cu Aruba ta haya un Fee considerablemente mas halto. Segun Presidente di Comerciantenan Uni Aruba CUA Frans Ponson esaki a keda cobra pa varios luna sin cu e comerciantenan tabata sa cu e prijs a subi.
Companianan internacional Master Card a cumpra Maestro sake for di mercado y cambionan internacional ta haci efecto na cambionan local
