‘Compagnie in de West’ di Defensa den Region Karibe Hulandes tin su rotashon

Durante un seremonia Militar Kòrtiku ‘Compagnie in de West’ Rotashon 42 a pasa su tareanan pa e siguiente unidat, rotashon 43. E Komandante nobo Kapitan Hans durante e asina yamá tradishonal ‘Peddeloverdracht’ a remplasá su predesesor Kapitan Milan. Rotashon 43 ta keda kuater luna den Region Karibe Hulandes.  E trupa aki, ‘A-Koningscompagnie’ ta konosí ku e islanan den Region Karibe.  E ultimo biaha ku e unidat tabata aktivo na Kòrsou tabata un periodo masha speshal. Desde Mart 2020 te ku Yüli 2020 spesialmente e unidat a a brinda sosten na Kòrsou durante e epidemia ku tabata yegando.

Kapital Milan ta mira bek riba un periodo speshal: ”Ademas di treinen táktiko i tékniko pa prepará e “Stieren” pa nos siguiente tarea otro aña,  tambe nos tabata por a nifiká hopi pa organisashonnan benéfiko lokal.”  E unidat saliente durante e ultimo lunanan ademas di treinen, a duna tambe sosten na outoridatnan lokal i organisashonnan benéfiko tantu na Kòrsou, komo Bonaire. E sosten na outoridatnan sivil ta un di e tres tareanan mayor pa Defensa den Region Karibe Hulandes.

Kapitan Hans ta antisipá ku su hendenan lo por trein den region Karibe: “Nos meta ta pa traha hopi huntu ku sosionan lokal riba islanan Aruba, Bonaire i Kòrsou. Pero tambe e entrenamentunan bou di sirkumstanshanan diferente for di esnan di Hulanda. E ‘Grenadiers’, manera e miembronan di e unidat tambe ta ser yamá, a antisipá e rotashon aki i ta kla pa e retonan pa al final keda mihó di trein i prepará, pa keda desplegá unda ku ta rònt mundu.”

‘Compagnie in de West’ (CidW) ta un unidat permanente di Ehérsito di Forsanan Real den Region Karibe Hulandes,  ku por keda desplegá pa un diversidat di tarea. Asinai e unidat ta para klá tambe pa eventual yudansa di emergensia durante temporada di orkan. E kuater lunanan benidero e  unidat ta trein tantu na Aruba, Bonaire komo na Kòrsou. E ‘A-Koningscompagnie’ normalmente ta ubiká na Schaarsbergen, Hulanda.  U unidat di infanteria ta konsistá di diferente ekspertonan militar, tal manera genionan/kontratistanan, informashon, i frankotiradonan.